პარტია „ქართული ოცნების“ თავმჯდომარის ბიძინა ივანიშვილის ინტერვიუ საქართველოს პრემიერ-მინისტრმა მამუკა ბახტაძემ შეაფასა. ბახტაძის თქმით, გუნდში და პარტიის თავმჯდომარესთან სხვადასხვა მნიშვნელოვან საკითხებზე კონსულტაციები ნამდვილად ხშირად იმართება:

„ჩვენ კიდევ ერთხელ, გუშინ მოვისმინეთ ბიძინა ივანიშვილისგან გულწრფელი შეფასება, პოლიტიკური შეფასება მათ შორის საქართველოში არსებულ პოლიტიკურ გარემოსთან დაკავშირებით, იმ გამოწვევებზე რომელიც გვაქვს ჩვენს ქვეყანაში და იმ ეროვნულ ინტერესებთან დაკავშირებით, რომელსაც უნდა აერთიანებდეს თითოეულ საქართველოს მოქალაქესა და თითოეულ პოლიტიკურ ძალას.

ბუნებრივია, ჩვენ გუნდში გვაქვს ყოველთვის კონსულტაციები, თქვენ იცით,რომ ჩვენ გვაქვს წარდგენილი ძალიან ამბიციური რეფორმათა პაკეტი, დღესაც თქვენ მოისმინეთ შეფასებები ჩვენი ევროპელი მეგობრების, რომ ჩვენი რეფორმების პაკეტი მართლაც არის ძალიან ამბიციური და შედეგებზე ორიენტირებული.

აქედან გამომდინარე, ჩვენ ვართ თვითონ ძალიან შედეგებზე ორიენტირებული მთავრობა და ბუნებრივია ასეთი კონსულტაციები ყოველთვის მიმდინარეობდა და დღესაც მიდის,"-განაცხადა მამუკა ბახტაძემ.