ზეწოლა არასამთავრობოებზე, საპრეზიდენტო არჩევნები, კორუფცია - პრემიერს სტრასბურგში პასუხის გაცემა მწვავე კითხვებზე მოუწია.

ევროსაბჭოს საპარლამენტო ასამბლეის წევრმა, „ევროპის სახალხო პარტიის“ წარმომადგენელმა ალექსანდრე პოცეიმ საქართველოს პრემიერს შემდეგი კითხვით მიმართა:"შეგიძლიათ დაგვარწმუნოთ, რომ მომავალში საქართველოში არჩევნებზე დარღვევებსა და ძალადობას ადგილი არ ექნება და როგორ უზრუნველყოფთ ამას?".

„მე თქვენ მოგმართავთ არა მხოლოდ, როგორც ევროპის სახალხო პარტიის წევრი, არამედ როგორც პოლონელი პოლიტიკოსი. იცით, თუ როგორ ღრმად ვიყავით ჩართულნი თქვენ ქვეყანაში მიმდინარე დემოკრატიულ პროცესებში. ჩვენ დამკვირვებლებად ვიყავით საპრეზიდენტო არჩევნებზე და ერთი კითხვა გვაქვს. ჩვენ ბევრი დარღვევა ვიხილეთ და ასევე ძალადობა. შეგიძლიათ დაგვარწმუნოთ, რომ მომავალში მსგავსი რამ არ მოხდება და როგორ უზრუნველყოფთ ამას?“ - განაცხადა მან.

თბახტაძის თქმით კი „გასული არჩევნების მთავარი ხარვეზი ძალიან პოლარიზებული პოლიტიკური გარემო იყო“.

„სამწუხაროდ, საქართველო ამის ერთადერთი მაგალითი არ არის ჩვენს კონტინენტზე. ჩვენ მივიღეთ ეუთო-სგან რეკომენდაციები. საქართველოს პარლამენტი მუშაობს ამ რეკომენდაციების დანერგვაზე“, - თქვა ბახტაძემ.