"ლადო კახაძეს მინდა ვკითხო, მართლა მიგაჩნიათ შავგულიძე ჯალათად და მურუსიძე ანგელოზად?"

"ლადო კახაძეს მინდა ვკითხო, მართლა მიგაჩნიათ შავგულიძე ჯალათად და მურუსიძე ანგელოზად?" - ნიკა მელია

პოლიტიკა - 16:01, 10 Apr, 2019

915

პარტია „ქართული ოცნების“ თავმჯდომარემ ბიძინა ივანიშვილმა გუშინ შალვა შავგულიძესა და გირგვლიანის საქმის შესახებ ისაუბრა. გაერთიანებული ოპოზიცია „ძალა ერთობაშიას“ ერთ-ერთი ლიდერისა და ენმ-ის პოლიტიკური საბჭოს თავმჯდომარის, ნიკა მელიას განცხადებით, ლევან მურუსიძემ და მისმა მსგავსმა მოსამართლეებმა დაღუპეს „ნაციონალური მოძრაობა“:

„სადამდე დაეცა ივანიშვილი, რომ მას უწევს თქვას შემდეგი, რომ გმირი ყოფილა მურუსიძე და ჯალათი ყოფილა შავგულიძე. შავგულიძე, რომელიც ებრძოდა წინა ხელისუფლებას და სამართლიანად სასამართლოს გამო და გირგვლიანის საქმის თვალსაზრისით განსაკუთრებით და მურუსიძე, რომელმაც დაღუპა წინა ხელისუფლება მოდით პირდაპირ ვთქვათ და ეს ყველაფერი, რა თქმა უნდა, უკავშირდება მთაწმინდის ოლქში კარს მომდგარ არჩევნებს. მე მაინტერესებს პატივისცემით კითხვა დავუსვა ბატონ ლადო კახაძეს, "ქართული ოცნების" მხრიდან წარდგენილ კანდიდატს მთაწმინდის ოლქში, იმ უბანში სადაც მე ვცხოვრობ, ბატონო ლადო, თქვენ მართლაც მიგაჩნიათ შავგულიძე ჯალათად და მურუსიძე ანგელოზად? ყველა ვაღიარებთ, ვიყავით წინა ხელისუფლებაში თუ არ ვიყავით რა მნიშვნელობა აქვს, რომ მურუსიძე და მურისიძის მდარი სასამართლო სისტემაში და ზოგადად სასამართლო სისტემა, როგორც ასეთი არ არსებობდა და იმართებოდა პროკურატურის მიერ ზუსტად მურუსიძის ხელით და ამიტომაც "ნაციონალური მოძრაობა" ჩაბარდა 2012 წელს ოპოზიციას და დღეს ივანიშვილის ამბობს, იმას რასაც ამბობს, რა ლოგიკას ექვემდებარება ეს. როგორ შეიძლება ჩვენ გვქონდეს ის ბერკეტი მურუსიძეზე მართვის თვალსაზრისით რომელმაც "ნაციონალური მოძრაობა" დაღუპა,“-განაცხადა ნიკა მელიამ.