გახშირებული პრობლემები თბილისის მეტროში - დედაქალაქის მერმა მთავრობის დღევანდელ სხდომაზე განაცხადა, რომ დაზიანებები ადრეც ხდებოდა, თუმცა, ამაზე არავინ საუბრობდა.

მისივე თქმით, საზოგადოებას მერიის მიმართ მეტი მოთხოვნა აქვს:

"საზოგადოებას მეტი მოთხოვნა აქვს ჩვენს მიმართ, პირადად ჩემს მიმართ უფრო მეტი აქვთ იმედიც, შესაბამისად, ეს არ უნდა გაგიკვირდეთ არავის. როდესაც ენერგეტიკის მინისტრად დავინიშნე და ელექტროენერგია ითიშებოდა, ეს რა თქმა უნდა თელასის პრობლემა იყო, ავარიები იყო და დღესაც არის ეს. სანამ ჩვენ მოვიდოდით ხელისუფლებაში, მანამდეც იყო. ყველა ამბობდა, აბა კალაძე, სად არის ელექტროენერგია გამოუშვი. ამით იმის თქმა მინდა, რომ არ უნდა გაგიკვირდეთ ეს დამოკიდებულება, თან მე ახლა პოლიტიკური ფიგურა ვარ, პარტიის გენერალური მდივანი ვარ. სხვათაშორის, ხალხს ძალიან დიდი იმედი აქვს ჩვენი". განაცხადა კალაძემ.