"არავითარ კავშირში არ იყო არჩევნებთან" - ივანიშვილი ვალების განულაბაზე

პოლიტიკა - 00:04, 10 Apr, 2019

907

"ქართული ოცნების" თავმჯდომარემ "იმედის" ეთერში საპრეზუდენტო არჩევნების წინ 600,000 ადამიანისთვის ვალების განულების საკითხზე ისაუბრა.
ყოფილი პრემიერი ირწმუნება, რომ ინიციატივა "არავითარ კავშირში არ იყო ამომრჩეველთან" და ირწმუნება, რომ UNICEF-ის კვლევამ მას საფინანსო სექტორში რეგულაციების შემოღების აუცილებლობა დაანახა.
"კვირიკაშვილთან ჩემი ძირითადი უკმაყოფილება UNICEF-ის გამოქვეყნებული კვლევა იყო. მოსახლეობის გარკვეული ნაწილი, ღარიბი ნაწილი კიდევ უფრო გაღარიბდა, იმიტომ რომ ხელისუფლებამ თავის დროზე ვერ მიიღო რაღაც რეგლამენტაციები. ამასთან ერთად, საერთაშორისო სავალუტო ფონდის მიერ მინიშნებული და მითითებული იყო, რომ რეგლამენტები შემოსაღები იყო და აი, ეს იყო ჩვენი ასე ვთქვათ განხეთქილების მიზეზი და ეს იყო ტრაგიკული, როდესაც გავიგე, რომ "ქართული ოცნების" ხელისუფლებაში ყოფნის პერიოდში მოსახლეობის გარკვეული ნაწილის ყოფა გაუარესდა, ტრაგიკული იყო ეს.

გახსოვთ მაშინდელი რეაგირებაც, კონფლიქტი პრემიერთან ამ ფონზე, ჩემი განცხადებებიც და სხვათა შორის ვისარგებლებ მომენტით და შევახსენებ მათ, ვინც ამ არჩევნების პროცესში ნაკლად ჩაგვიწერეს რომ 600,000 ადამიანს ავუნაზღაურეთ, ეს დაიწყო მაშინ და არავითარ კავშირში არ იყო არჩევნებთან.

ეს ტრაგიკული იყო პირადად ჩემთვის, და ჩვენ ყველაფერს გავაკეთებთ იმისთვის, რომ წლის ბოლომდე როგორმე ეს გამოვასწოროთ. სამწუხაროდ, ეს ხელისუფლების მხრიდან ბოლომდე არ მოხერხდა და დასჭირდა ამას “ქართუ ფონდის” ჩარევა, მაგრამ ჩვენ 600,000 ადამიანი მოვახერხეთ და დავუბრუნეთ ზომიერ ცოხვრებას. ისინი გათიშული იყვნენ ეკონომიკური ცხოვრებიდან. შავ სიაში იყო 600,000 მოქალაქე,"- განაცხადა ივანიშვილმა.