"რა შუაშია ჩვენი 7 წელი ან თერთმეტი წელი"- ამის შესახებ "ქართული ოცნების" თავმჯდომარემ "იმედის" ეთერში განაცხადა.

ივანიშვილის თქმით, თიბისი ბანკმა ჯარიმა გადაიხადა და აქ უკვე შეკითხვები აღარ არის.

მისივე თქმით, ეროვნული ბანკის ამჟამინდელმა პრეზიდენტმა ღირსეული ნაბიჯები გადადგა და ეს საჯაროდაც დაამტკიცა.

ივანიშვილმა ხაზი გაუსვა გვენეტაძის წინამორბედს და გიორგი ქადაგიძე "ნაციონალური მოძრაობის" სატელიტობაში დაადანაშაულა.

„ქადაგიძის წასვლიდან დაახლოებით წელიწადში დაიწყო გამოძიება. გიორგი ქადაგიძე იყო „ნაციონალური მოძრაობის წევრი“ და იქიდან იმართებოდა. როცა კობა გვენეტაძე გახდა ეროვნული ბანკის პრეზიდენტი, როდესაც სტრუქტურებმა დაიწყეს ჯანსაღი ფუნქციონირება და როდესაც მონიტორინგის სამსახურმა ეს ტრანზაქცია აღმოაჩინა, მაშინ დაიწყო გამოძიება. ეს ტრანზაქცია იოლი აღმოსაჩენი იყო და არ სჭირდებოდა დიდი ფოკუსირება. რა შუაშია ჩვენი მე-7 წელი ან 11 წელი. კერძო ტრანზაქციაზე აგონ პასუხი. ამაზე ისაუბრონ,“ - აღნიშნა ივანიშვილმა.

რაც შეეხება სადაო ტრანზაქციას ივანიშვილის თქმით, "ასეთი უხეში ტრანზაქციები რუსეთის ველურ გარემოშიც არ კეთდებოდა".

"ორი სიტყვით ოპონენტებს მივანიშნებდი. მათ ძირითადად ეს აქვთ საფუძვლად, რომ რატომ 11 და 10 წლის შემდეგ და არა ის, თუ რატომ მოხდა ეს ტრანზაქცია, რომელიც ძალიან უხეშია. თუ საბანკო სისტემაში შეიძლება უხეში ქმედებები, ამაზე უხეში მე ვერ წარმომიდგენია.

11 და 10 წელს რაც შეეხება, ჯერ ერთი, ეს კანონიერების ფარგლებშია, ამასთან ხანგრძლივობას თუ შევხედავთ, არ არის მაინც და მაინც 11 წელი გასული. 1თერთმეტი რომც იყოს, მოიშველიონ კანონი და თქვან, რომ კანონი ირღვევა. დღეს რომ მომხდარიყო რას იტყოდნენ? ამას გასცენ პასუხი. ტრანზაქციაზე გასცენ პასუხი, როგორი უხეშია"- თქვა ივანიშვილმა.