"ქართული ოცნების" თავმჯდომარე პარტიიდან წასულების შესახებ საუბრისას ამბობს, რომ: ბესელიას, ფოფხაძის და გოგიჩაიშვილის მაგივრად შერცხვებოდა".

ივანიშვილი ამბობს, რომ კონსტიტუციასთან წინააღმდეგობაში მოდიოდა მათი ხედვები მოსამართლეების შერჩევის კრიტერიუმებთან დაკავშირებით.

ივანიშვილის თქმით, ყოფილ თანაგუნდელებს უთხრა რომ „ეს სამარცხვინოა“.

„რომ გენახათ გადამდგარი ბესელია როგორ ირჩევდა გედი ფოფხაძეს მოადგილედ, იურიდიულ კომიტეტში და როგორ მთავაზობდა გოგიჩაიშვილს თავმჯდომარედ, იქ იმდენი დარღვევა იყო იურიდიული, მე მათ ადგილზე შემრცხვებოდა. ასე ხდებოდა გუნდის შიგნით, როდესაც ხდებოდა მოსამართლეთა კრიტერიუმების განხილვა. ყველა მათი წინადადება მკვეთრ წინააღმდეგობაში მოდიოდა კონსტიტუციასთან და პირადად ვუთხარი, ეს სირცხვილია მეთქი“, - განაცხადა ივანიშვილმა.

მისი თქმით, წასულების რიტორიკა "ნაციონალური მოძრაობის" განცხადებებთან უნისონში მოდის".

მისივე განცხადებით, ის საკუთარ თავს ვერ აკადრებს იმას რომ თქვას, რომ გუნდიდან წასულები "ენმ"-ს თამაშს თამაშობენ.