ია კერზაიას საქმეს ვსწავლობთ და ძალიან ბევრი გარემოება ეჭვს იწვევს,- აცხადებს სახალხო დამცველი ზუგდიდის მეექვსე სკოლის ყოფილი დირექტორის საქმის შესახებ.

ზუგდიდის მეექვსე საჯარო სკოლის დირექტორის ია კერზაიას გარდაცვალების საქმეზე სახალხო დამცველმა ნინო ლომჯარიამ კომენტარი გააკეთა. ომბუდსმენის თქმით, მისი აპარატი აღნიშნული საქმის შესწავლის პროცესშია და არსებობს მრავალი საეჭვო გარემოება:

„ამ შემთხვევაში ჩასატარებელია ისეთი მოქმედებები, გარემოებების დასადგენად, რაც არის უკვე საგამოძიებო ორგანოების კომპეტენცია. მათ შორის ეს არის სხვადასხვა ტიპის ექსპერტიზების ჩატარება, მტკიცებულებების ამოღება, ადამიანების დაკითხვა და ა.შ. ეს არის ის საკითხები, რაზეც გამოძიებამ უნდა თქვას თავისი სიტყვა, თუმცა საეჭვო გარემოება გვხვდება მრავლად",- განაცხადა ლომჯარიამ.