"ივანიშვილის მხრიდან ლებედის დაფინანსება ტაქტიკური ნაბიჯი იყო" - ქანთარია 9 აპრილის სადამსჯელო დივიზიის მეთაურის და ივანიშვილის ურთიერთობაზე

პოლიტიკა - 16:59, 08 Apr, 2019

2780

პარტია „ქართული ოცნების“ თავმჯდომარის ბიძინა ივანიშვილის ღია წერილs გამოხმაურება მოჰყვა პოლიტიკურ სპექტრში. 9 აპრილთა დაკავშირებით საუბრისას, ივანიშვილს ოპოზიცია გენერალ ლებედის საარჩევნო კამპანიის დაფინანსებას ახსენეს. გენერალი ლებედი 1988 წლის მარტიდან სსრკ არმიის 106-ს საჰაერო-სადესანტო დივიზიას მეთაურობდა. სწორედ ეს დივიზია მონაწილეობდა უსასტიკეს სამხედრო – სადამსჯელო ოპერაციებში თბილისში 1989 წლის აპრილში და ბაქოში 1990 წლის იანვარში.

საპარლამენტო უმრავლესობის წევრის ნუკრი ქანთარიას განცხადებით, გენერალ ლებედის დაფინანსება სავარუდოდ სიმართლეა და აღნიშნული ივანიშვილის მხრიდან, იმპერიოდისთვის იყო ტაქტიკური ნაბიჯი:

„ბიძინა ივანიშვილის წერილი გათვლილი არ არის, უგულავაზე, ბობოხიძეზე, ეს გათვლილია საზოგადოების ფართო ფენაზე და 9 აპრილის ანალიზს გვთავაზობს. კარგად მახსოვს, რა დღეები იყო, რადგან მონაწილე ვიყავი. 9 აპრილის შემდეგ ერთი კვირის განმავლობაში მთელი ერის სიზმრის მსგავსი გაერთიანება იყო. არც კრიმინალი მომხდარა და არც სხვა რამე. მაშინ საოცარი ერთიანობა იყო, დიდი ტკივილებით გამოწვეული. ალბათ, ბიძინა ივანიშვილი ამას გულისხმობს. რაც შეეხება კითხვას გენერალ ლებედს თუ აფინანსებდა, ალბათ აფინანსებდა, რადგან ნათქვამი აქვს, მაგრამ ეს წმინდა ტაქტიკური იყო, რადგან ლებედი რომ არ გასულიყო, „კომუნისტების“ ლიდერი ზუგანოვი სრული წარმატებით გადიოდა და ელცინი, რომელიც მეტ-ნაკლებად დემოკრატიული ფრთის წარმომადგენელი იყო, მიღმა რჩებოდა. ეს ტაქტიკა საარჩევნო პოლიტიკაში აპრობირებულია“, – განაცხადა ნუკრი ქანთარიამ.

ბიძინა ივანიშილიმა 9 აპრილთან დაკავშირებული ღია წერილი დღეს გამოაქვეყნა.