"TBC-ს ხელმძღვანელებთან დაკავშირებით, ადგილი ჰქონდა პოლიტიკური დაკვეთის შესრულებას ყველა ინსტიტუტის მხრიდან"- ბოკერია პარლამენტს საგამოძიებო კომისიის შექმნას მოუწოდებს

პოლიტიკა - 16:08, 08 Apr, 2019

616

საქართველოს ეროვნული ბანკის პრეზიდენტს კობა გვენეტაძეს პარლამენტის რიგგარეშე სხდომაზე კიდევ ერთხელ მოუსმინეს. „ევროპული საქართველოს“ ერთ-ერთი ლიდერის გიგა ბოკერიას განცხადებით, გვენეტაძის გამოსვლით კიდევ ერთხელ დადასტურდა, რომ „თიბისი ბანკის“ ხელმძღვანელებთან დაკავშირებით ადგილი ჰქონდა პოლიტიკური დაკვეთის შესრულებას:

„ის, რაც აქ მოვისმინეთ იყო კიდევ ერთი დადასტურება იმის, რომ "თიბისი ბანკის" ხელმძღვანელებთან დაკავშირებით, ადგილი ჰქონდა პოლიტიკური დაკვეთის შესრულებას, ყველა ინსტიტუტის მხრიდან. თუ შესაძლებელია ასე უტიფრად ერთი კაცის და სახელმწიფო მანქანის დაკვეთით, კონკრეტულ კომერციულ სტრუქტურას და მის ხელმძღვანელებს გაუსწორდნენ და ყველა ინსტიტუტი დადგეს მწყობრში და ამას მოემსახუროს, ეს არის პრობლემა ქვეყნისთვის და მოგიწოდებთ თქვენ, როცა ასეთი აშკარა ფაქტებია, როცა მინიმუმ, ასეთი კითხვის ნიშნები არსებობს პროკურატურის მოქმედებების მიმართ, პარლამენტის ვალია, რომ შექმნას კომისია და გამოიძიოს ეს საქმე,“ - განაცხადა გიგა ბოკერიამ.