„იმას, რაც დღეს ზუგდიდში ხდებოდა არაფერი ჰქონდა საერთო კონკურსთან და შერჩევასთან“

„იმას, რაც დღეს ზუგდიდში ხდებოდა არაფერი ჰქონდა საერთო კონკურსთან და შერჩევასთან“ - პაატა მანჯგალაძე

პოლიტიკა - 14:05, 08 Apr, 2019

1436

გაერთიანებული ოპოზიციის წევრი და „ახალი საქართველოს“ გენერეალური მდივანი, ზუგდიდიში, საუბნო საარჩევნო კომისიის წევრების კონკურსისი გზით შერჩევაზე საუბრობს. პაატა მანჯგალაძეს მიაჩნია, რომ დღევანდელ პროცესს, არაფერი ჰქონდა საერთო შერჩევასთან და კონკურსთან. მისი თქმით, მსგავსი სახის მანიპულაციები, ოთხმოცდაათიან წლებშიც კი არ ხდებოდა.

„იმას, რაც დღეს ზუგდიდის საოლქო კომისიაში, საუბნო საარჩევნო კომისიის წევრების კონკურსის გზით შერჩევისას ხედბოდა, არაფერი აქვს საერთო არც კონკურსთან, არც შერჩევასთან. ოლქის თორმეტი წევრიდან, ათი ყოველგვარი განხილვის გარეშე „ქართული ოცნების“ შტაბიდან მოწოდებული ,,შპარგალკებიდან’’ პირდაპირ იწერდა საჭირო სახელსა და გვარს.

მაშინ როდესაც, საქართველოს კანომდებლობა ითვალისწინებს ღია კონკურს, სადაც შერჩევის მთავარი კრიტერიუმი უნდა იყოს პროფესიონალიზმი, მიუკერძოება და შესაბამისი ტრენინგების გავლა.

პრეცედენტი იმისა, რომ საუბნო კომისიებში 12 წევრიდან, 10 ხელისუფლებას დაენიშნოს შევარდნაძის დროსაც - ე.წ. ბნელ ოთხმოცდაათიანებშიც არ დაფიქსირებულა.

ეს ყველაფერი მხოლოდ ხელისუფლების სისუსტეზე მიუთითებს. მათ კარგად იციან ხალხის რეალურ განწყობა და ცდილობენ უბანზე საარჩევნო მანიპულაციებისა და ზეწოლის საშუალებით შექმნან არჩევნებში სასურველი შედეგის მიღწევის მექანიზმი. თუმცა ეს მცდელობებიც განწირულია, რადგან გამოცდილია, რომ ხალხის პროტესტის ხმას, საარჩევნო ადმინისტრაციების ბნელ ოთახებშიც ვერ აღშობენ”- პაატა მანჯგალაძე.