სახელისუფლებო ტროლები, TBC-ის, არასამთავრობოების და მედიის წინააღმდეგ

სახელისუფლებო ტროლები, TBC-ის, არასამთავრობოების და მედიის წინააღმდეგ - MDF-ის კვლევა

პოლიტიკა - 13:41, 08 Apr, 2019

587

სახელისუფლებო ტროლები, TBC-ის, არასამთავრობოების და მედიის წინააღმდეგ - MDF-ის მერ ჩატარებული კვლევის თანახმად, გამოვლინდა შემთხვევები, როდესაც ტროლები ოპოზიციური პარტიების, არასამთავრობო ორგანიზაციების წარმომადგენლების, ჟურნალსტების და სხვა ფეისბუკ მომხმარებლების პოსტების ან ინფორმაციის შინაარსს თავიანთ კომენტარებში ეჭვქვეშ აყენებდნენ, მიუხედავად იმისა, რომ პოსტების ავტორები თავიანთ მოსაზრებებს წყაროებზე დაყრდნობით ავრცელებდნენ. მსგავს შემთხვევას ჰქონდა ადგილი, მაგალითად ეროვნულ-დემოკრატიული პარტიის მთავარი კომიტეტის წევრის ზურაბ ღონღაძის შემთხვევაში, როდესაც მან ფეისბუკში გაავრცელა newpost.ge-ს ინფორმაცია, სათაურით “ადმინისტრაციული რესურსის ბოროტად გამოყენება, ამომრჩევლის მოსყიდვა, ძალადობა - ეუთო საპრეზიდენტო არჩევნების შესახებ”, რასაც ერთდროულად 3 ტროლის მობილიზება მოჰყვა, რომლებიც თავიანთ კომენტარებში ფაქტების არასწორ ინტერპრეტაციას რუსთავი 2-ს აბრალებდნენ და ამტკიცებდნენ, რომ რეალურად ეუთოს დასკვნაში ამომრჩეველთა მოსყიდვაზე საუბარი არ ყოფილა.

ტროლები - Tamro Todadze, Marika Wveraidze, Mariam Svanidze.

ევროპული საქართველოს პრესსპიკერმა ირაკლი კიკნაველიძემ გამოაქვეყნა ფეისბუკ სტატუსი, რომელიც მამუკა ხაზარაძის მიერ წარმოდგენილ წერილს შეეხებოდა და მისი განცხადებით, შინაგან საქმეთა მინისტრის გიორგი გახარიას მიერ მის მიმართ წაყენებულ მოთხოვნებს შეეხებოდა. კიკნაველიძის კრიტიკა წერილის იმ ნაწილს შეეხებოდა, სადაც ტელეკომპანია “არტერიას” მიმართ “ობიექტურობის მაღალი ხარისხის” მოთხოვნაზე იყო საუბარი, რასაც ნინო მენაბდის სახელით რეგისტრირებული მომხმარებლის კომენტარი მოჰყვა, რომელიც მამუკა ხაზარაძის გაცხადების აბსურდულობის დამტკიცებას ცდილობდა.

მონიტორინგის პერიოდში ტროლები იდენტურ კომენტარებს ტოვებდნენ სხვადასხვა მედია საშაულებებით გავრცელებულ იმ ინფორმაციებზე, რომლებიც ბიძინა ივანიშვილის მიერ ბოტანიკური ბაღის ტერიტორიის მიერთების გეგმებს შეეხებოდა, ასევე აბასთუმნის ტუპდისპანსერის დახურვას და ივანიშვილის აღნიშნული ადგილით დაინტერესების შესახებ გავრცელებულ ცნობებს, რაც სასტუმროს აშენებას უკავშირდება. ტროლები კომენტარებში ან გავრცელებული ინფორმაციის სიზუსტეს აყენებდნენ ეჭვქვეშ ან სასტუმროს აშენების მიზანშეწონილობას ასაბუთებდნენ.