საქართველოს პრეზიდენტმა უსამართლობა უწოდა იმ ფაქტს, რომ ძალოსანი თათია ლორთქიფანიძე ძალოსნობის ევროპის ჩემპიონატში ვერ მონაწილეობს.

სალომე ზურაბიშვილის თქმით, ლორთქიფანიძე მკაცრი დისციპლინური სასჯელის გამო ვერ მონაწილეობს თამაშებში და ამით ქვეყანა ზიანდება.

„მინდა, ერთი საკითხი გავაჟღერო. ეს არის ის უსამართლობა, რაც ეხება თათია ლორთქიფანიძეს. გაუგებარია, მე, როგორც საქართველოს პრეზიდენტს, როგორც ქალს, არ მესმის ასეთი გადაწყვეტილებები, როცა ადამიანს ბრინჯაოს მედალი აქვს, ასევე გავლილი აქვს დოპინგი და მასზე დიდი იმედები იყო ოლიმპიურ თამაშებში, რაღაც დისციპლინარული მკაცრი დასჯის გამო, ვერ მიიღებს მონაწილეობას ევროპულ თამაშებში. ამით ზიანდება ქვეყანა“, - განაცხადა სალომე ზურაბიშვილმა.

ბათუმში დღეს ძალოსნობის ევროპის ჩემპიონატი დაიწყო.