ხულოში, გაერთიანებულმა ოპოზიციამ მერობის კანდიდატად ირაკლი ჯორბენაძე წარადგინა

პოლიტიკა - 16:26, 06 Apr, 2019

789

გაერთიანებულმა ოპოზიციამ ხულოში შუალედურ არჩევნებზე მერობის კანდიდატად ირაკლი ჯორბენაძე წარადგინა.

ჯორბენაძე შეკრებილ აუდიტორიას, "ძალა ერთობაშიას" ლიდერმა გრიგოლ ვაშაძემ წარუდგინა.

„გული, ერთგულება, მეგობრობა, ღირებულებები, იდეოლოგია და შემართება – აი რა არის მთავარი“, - განაცხადა ვაშაძემ ხულოში მერობის კანდიდატის წარდგენის.

მისი თქმით, დაიმსხვრა მითი, რომ საქართველოში ფულია მთავარი.

„ძალიან მომენატრეთ. ისე შემიყვარდა აჭარა საპრეზიდენტო კამპანიის განმავლობაში, განსაკუთრებით მაღალმთიანი აჭარა, მესიზმრებოდა ხოლმე ხანდახან ღამით და ვფიქრობდი, კიდე საპრეზიდენტო კამპანიაში ვარ, არ გათავდა? არ გათავდება, სანამ გაერთიანებული ოპოზიცია და მისი მთავარი შემადგენელი ნაწილი „ერთიანი ნაციონალური მოძრაობა“ არ დაბრუნდება ხელისუფლებაში ყველა იმ პატიოსანი ადამიანით, რომელიც ამ გაერთიანებაში და ამ პარტიაში იმყოფება, რადგან ჩვენ ეს დავიმსახურეთ იმით, რაც იმ 9 წელს გავაკეთეთ და დავიმსახურეთ იმით, რომ ჩვენი შეცდომები შევისწავლეთ, ვაღიარეთ, ბოდიში მოვიხადეთ, გავაანალიზეთ და ვიცით, რომ დავბრუნდებით ხელისუფლებაში, შენებას ხელს უკვე არაფერი აღარ შეუშლის...მე, „ერთიანი ნაციონალური მოძრაობის“ წევრი, სიამაყით ვამბობ, რომ ჩემი მეგობრები არიან მედეა ვასაძე და მურმან დუმბაძე, რატომ ვამბობ სიამაყით? რადგან მათ ჩვენთან ერთად, თქვენთან ერთად, დაამსხვრიეს მითები, რომ „ნაციონალური მოძრაობა“ ის რელიგიური სექტაა, რომელსაც მოკავშირე არასოდეს ეყოლება. აი, ჩვენი მოკავშირეები, ის ხალხი, ვინც თავისი ნებით დატოვა „ ქართული ოცნება“. ხო დავამსხვრიეთ ის მითი, რომ ჩვენი ჭერი არის 400 000 ხმა და მეტს ვერ ავალთ“, – განაცხადა გრიგოლ ვაშაძემ.