ივანიშვილის 22% კალაძის ბანკად წოდებულ "პროგრეს ბანკში" და ფულის გათეთრება საბანკო სისტემაში - რატომ არ იძიებს ეროვნული ბანკი პროგრეს ბანკის ლიკვიდაციის თემას?

პოლიტიკა - 18:15, 05 Apr, 2019

1086

„ერთიანი ნაციონალური მოძრაობის“ თავმჯდომარე რომან გოცირიძე ამბობს,რომ „პროგრეს ბანკის“ ერთ-ერთი აქციონერი ფულის გათეთრების ბრალდებით იძებნება მოსკოვში.

გოცირიძემ პარლამენტში მისულ ეროვნული ბანკის პრეზიდენტს უთხრა, რომ „პროგრეს ბანკის“ 22% ეკუთვნის.

„10 წლის წინ ფულის გათეთრებას რომ ეძებს პროკურატურა, ფინანსური მონიტორინგის სამსახური და თქვენც შეუწყვეთ ხელი ფაქტობრივად რეპრესიებს ამ ბანკის მიმართ, თქვენ დროს ხომ ხდებოდა „პროგრეს ბანკის“ ლიკვიდაცია? „პროგრეს ბანკის“ 78%-ის მფლობელი იყო პანამური კომპანია, რუსი აქციონერის, ვიღაც თაღლითი გავრილოვის მონაწილეობით. პანამური ამბების შემდეგ, მოსკოვში მისი ბანკი დაიხურა ფულის გათეთრების ვერდიქტით და ეს კაცი უკვე იძებნება მოსკოვში. ეს არის „პროგრეს ბანკის“ აქციონერი, რომლის 22% ეკუთვნის ივანიშვილს და რომელსაც კალაძის ბანკი ჰქვია სახელად. რატომ არ იძიებთ ფულის გათეთრების ფაქტებს საბანკო სისტემაში, რაზეც აშშ-ს სახელმწიფო დეპარტამენტის მოხსენებაშიც იყო ხაზგასმული?“ - მიმართა გოცირიძემ კობა გვენეტაძეს.