„სარდაფში ჩატარებული ე.წ კვლევებით ჭორაობა“ - გვრიტიშილი „საერთაშორისო გამჭვირვალობის“ კვლევაზე

პოლიტიკა - 16:31, 05 Apr, 2019

433

იუსტიციის უმაღლესი საბჭოს მოსამართლე წევრი დიმიტრი გვრიტიშვილი "საერთაშორისო გამჭვირვალობა საქართველოს" დაკვეთით ჩატარებულ კვლევას აფასებს და მას "სარდაფში ჩატარებული ე.წ კვლევებით ჭორაობას" უწოდებს.

დიმიტრი გვრიტიშვილი კი ამბობს, რომ ამ კვლევას სერიოზულად ვერ აღიქვამს:

"ეკა გიგაურის ორგანიზაცია განაგრძობს სარდაფში ჩატარებული ე.წ კვლევებით ჭორაობას და ცდილობს გადაფაროს როგორმე უახლოეს წარსულში მსოფლიოში მესამე ადგილზე მყოფი ავტორიტეტული ორგანიზაცია ipsos france-ის მიერ გამოქვეყნებული კვლევის შედეგები. ამ ე.წ კვლევების მეთოდოლოგია აბსოლუტურად გაუგებარი და მიუღებელია და ჩვენი მოსაზრებით, ემყარება ეკა გიგაურისა და არასამთავრობო სექტორისადმი ლოიალურად განწყობილი ფოკუს-ჯგუფების გამოკითხვას. ჩემთვის სასაცილოა, რადგანაც ეკა გიგაურის და ოლიკო შერმადინის ტანდემი უპირისპირდება ipsos france-ისა და პროფესორ ვან დაიკის ჩატარებულ კვლევას. ამიტომაც პრინციპულად მიზანშეუწონლად მიმაჩნია, შევიდე დეტალებში და სერიოზულად განვიხილო ეს ე.წ კვლევა", - განაცხადა დიმიტრი გვრიტიშვილმა.

კვლევის თანახმად, სასამართლო მოსახლეობაში დაბალი ნდობა აქვს. გარდა ამისა, გამოკითხულთა უმრავლესობა თვლის, რომ არსებობს "კლანი", რომელსაც მოქმედი ხელისუფლება მფარველობს.