საქართველოს პარლამენტმა ეროვნული ბანკის პრეზიდენტს მოუსმინა. კობა გვენეტაძემ „თიბისი ბანკის“ საქმეზე ისაუბრა.

აღნიშნულს ეკა ბესელია გამოეხმაურა და განაცხადა, რომ აღნიშნულ საქმეში ეროვნული ბანკი ძალიან ცუდად გამოიყურება:

„თიბისი ბანკის“ საქმეში, რომელიც 10 წლის წინანდელ ისტორიას ეხება, გარდა კვალიფიკაციისა, ეჭვს იწვევს პროცესი, რომელიც გარკვეულ მოვლენებს ემთხვევა, რამდენად არის სამართლიანი და პროპორციული ეროვნული ბანკის ქმედება და რამდენად არის ის დამოუკიდებელი პოლიტიკური კონტექსტისგან. ეს ყველაფერი ნამდვილად არის კითხვის ნიშნების მატარებელი. ეს საქმე ნამდვილად არ ჩანს კარგად და არ ტოვებს მიუკერძოებლობის და ობიექტურობის განცდას“, - განაცხადა ეკა ბესელიამ.