„მოხვალთ თუ არა კომიტეტის სხდომაზე, თუ არადა, მოვალ თქვენთან კაბინეტში იმ პრობლემებით, რომელიც არსებობს და ფუფუნებას არ მოგცემთ, რომ ამ კითხვებს, გვერდი აუაროთ“

„მოხვალთ თუ არა კომიტეტის სხდომაზე, თუ არადა, მოვალ თქვენთან კაბინეტში იმ პრობლემებით, რომელიც არსებობს და ფუფუნებას არ მოგცემთ, რომ ამ კითხვებს, გვერდი აუაროთ“ - ჭიჭინაძე გვენეტაძეს

პოლიტიკა - 14:15, 05 Apr, 2019

644

„ბატონო კობა, მაგის ფუფუნებას არ მოგცემთ, რომ ამ კითხვებს, რაც დაგროვდა და იმ უსამართლობას, რომელიც საბანკო სფეროში არსებობს, გვერდი აუაროთ,“ - ასე მიმართა ისნის რაიონის მაჟორიტარმა დავით ჭიჭინაძემ ეროვნული ბანკის პრეზიდენტ კობა გვენეტაძეს, რომელსაც პარლამენტში უსმენენ.

„ვერ გავიგე, ეს კაცი აქ რატომ მოვიყვანეთ, რაც დაგროვდა იმაზე გვინდა კითხვები. აქ, თურმე, მადლობები უნდა ვიხადოთ, რომ მოდიან. რა მნიშვნელობა აქვს, რომ მოდიან ეს მინისტრები, რას ეუბნებიან? ყოველდღე, მათი განცხადებების შემდეგ, ქვეყანაში მდგომარეობა უარესდება. მე ამ ადამიანთან, კონკრეტულად, ძალიან ბევრი კითხვა მაქვს დაგროვებული. აქ არ იძლევა ფორმატი იმის საშუალებას კითხვა დასვა, პასუხი მოისმინო. მარტივად არის, ჩაივლიან და ჩაარიხრიხებენ ყველაფერს..

მაინტერესებს, მოხვალთ თუ არა კომიტეტის სხდომაზე - ეს არის ჩემი ერთადერთი კითხვა, თუ არადა, მოვალ თქვენთან კაბინეტში, პირდაპირ გეუბნებით, იმ პრობლემებით, რომელიც არსებობს და იმ ხალხთან ერთად, ბატონო კობა, მაგის ფუფუნებას არ მოგცემთ, რომ ამ კითხვებს, რაც დაგროვდა და იმ უსამართლობას, რომელიც საბანკო სფეროში არსებობს, გვერდი აუაროთ. აქ არ არის პოლიტიკური აქცენტები მარტო. წელიწადნახევარია თუ რამდენი წელია, ეროვნული ბანკის პრეზიდენტი ხართ და ისეთი უმსგავსობა ხდება თქვენს პერიოდში, უკვე ამას ატანა აღარ აქვს. მთელი სია არსებობს, ხალხი თქვენი მოსვლის შემდეგ უარესს დღეში ჩავარდა, ყოველდღე ყრიან და ყრიან, ერთი მარტო პასუხები გაქვთ - ეს ჩვენი საქმე არ არის, ორი სუბიექტის კერძო დავაა,“ - განაცხადა ჭიჭინაძემ.