კანონპროექტი სასკოლო გამოცდების მოხნასთან დაკავშრებით - პარლამენტმა ცუდი სმენადობის გამო ორი მოსმენით მიღებული კანონპროექტი მესამედ ჩააგდო.

აღნიშნულს „ევროპული საქართველოს“ წევრი სერგო რატიანი გამოეხმაურა და განაცხადა, რომ უმრავლესობის დეპუტატებს „პლუსი და მინუსი“ აერიათ.

“საზოგადოებას მოეხსენება, რომ მთავრობამ გამოაცხადა სკოლის გამოსაშვები გამოცდების გაუქმება, მაგრამ არაფერი გაუკეთებია, რომ კანონში ცვლილებები გასულიყო. მხოლოდ ახლა, ერთი კვირის წინ მთავრობამ პროექტის დაჩქარებული წესით განხილვა მოითხოვა. ჩვენ ოპოზიციას გარკვეული შენიშვნები გვქონდა. დღეს, უმრავლესობამ ფაქტობრივად, ჩააგდო ეს კანონი. ვერ მიიღო ხმების საჭირო რაოდენობა იმის საფუძველზე, რომ პროექტი გაუაზრებელია და შეუთანხმებელია პარლამენტსა და მთავრობას შორის. ეს არის კიდევ ერთი მაგალითი უუნარობის, გაუაზრებლობის და უპასუხისმგებლობის, ალბათ, აერიათ წითელი და მწვანე, „მომხრე“ და „წინააღმდეგი“, პლუსი და მინუსი" - განუცხადა ჟურნალისტებს სერგო რატიანმა.