ჩრდილოატლანტიკურმა ალიანსმა ე.წ. შავი ზღვის პაკეტი დაამტკიცა. ამის შესახებ ინფორმაცია ალიანსის ოფიციალურ ვებ გვერდზე ვრცელდება. განცხადებაში ნათქვამია, რომ დამტკიცებული პაკეტი აერთიანებს ზომებს, რომელთა მიზანიცაა, შავი ზღვის რეგიონში სიტუაციის შესახებ მეტი ინფორმაციის მიღება, შესაბამისად საქართველო-უკრაინის მხარდაჭერის გაძლიერება და განმტკიცება.

დამტკიცებული პაკეტი ითვალისწინებს მხარდაჭერას შემდეგ სფეროებში: საზღვაო ძალებისა და სანაპირო დაცვის სამსახურის წვრთნა, ვიზიტები პორტებში და ინფორმაციის გაცვლა.

ნატო-ს გენერალური მდივნის, იენს სტოლტენბერგის განცხადებით, ნატო-ს გემები უკრაინულ და ქართულ ხომალდებთან ერთად სწავლებაში მონაწილეობენ. მისივე თქმით, ალიანსი აღნიშნულ მნიშვნელოვან რეგინზე ფოკუსირებული არის.