"ხელებს ნუ იქნევთ, არ გირჩევთ... თქვენი ოჯახის წევრი ჩარეული იყო კონტრაბანდაში" - ინცინდენტი იანდირაშვილსა და იზორიას შორის (ვიდეო)

პოლიტიკა - 14:24, 04 Apr, 2019

3528

"მინისტრის საათის" ფარგლებში საკანონმდებლო ორგანოში მისულ ლევან იზორიას ოპოზიცია მძიმე კითხვებს უსვამს.

რამდენიმე წუთის წინ ინცინდენტი მოხდა "ევროპული საქართველოს" ერთ-ერთ ლიდერ ირმა ნადირაშვილსა და ლევან იზორიას შორის.
დეპუტატმა მინისტრს ურჩია ნუ აპელირებს წინა ხელისუფლებაზე. მისი თქმით თუ გადაცდომები იყო გამოიძიონ.
"ხელებს ნუ იქნევთ, არ გირჩევთ" - მიმართა ნადირაშვილმა იზორიას და მისი ნათეწსავის სკანდალი შეახსენა. დეპუტატი ამბობს, რომ მასაც შეუძლია თქვას, რომ იზორიას ნათესავი სიგარეტის კონტრაბანდაში იყო ჩართული.
"მაცადეთ საუბარი, ჩემი დროა... ნუ ჩამერევა მინისტრი. ახლა რომ მეტყვით, რომ ნათესავი არ არის, თქვენი სტანდარტით დედაც არ არის ოჯახის წევრი. ურთმელიძის განცხადებები მახსოვს"- აღნიშნა ნადირაშვილმა.
დეპუტატმა ხაზი გაუსვა უმრავლესობის წევრების განწყობას მინისტრის მიმართ. მისი თქმით, "რაც უფრო მეტ დეპუტატის ახლობელს აიყვანს იზორია სამსახურში მით უფრო თბილად მოვა პარლამენტში".
"მაგალითად თქვენი მოადგილის ოჯახის წევრს წაიყვენენ სუს-ში სამმართველოს უფროსად. გასაგებია, ხელი ხელს ბანს... როგორ მოახერხეთ და შევარდნაძის დროინდელი და საბჭოთა ჯარის ტრადიციები დააბრუნეთ ქართულ არმიაში?!"- თქვა დეპუტატმა და კრწანისის ბაზაზე განვითარებული მოვლენები გაიხსენა.