გორის მუნიციპალიტეტში მსხვილფეხა პირუტყვი მოიპარეს. „ნიუპოსტის“ კორესპონდნეტის ცნობით, ფაქტი სოფელ თედოწმინდაში ღამით მოხდა.

როგორც „ნიუპოსტთან” საუბრისას მერის წარმომადგენელმა დავით ავაზნელმა განაცხადა, მოპარული 5 მსხვილფეხა პირუტყვი, ერთ ადამიანს ეკუთვნის.

სოფელში პოლიციაც გამოიძახეს, მომხდარზე გამოძიება 177 მუხლის მეორე ნაწილის „ა“ და ,,ბ“ ქვეპუნქტებით დაიწყო, რაც ქურდობას გულისხნობს. აღნიშნული მუხლი 3 დან 5 წლამდე პატიმრობას ითვალისწინებს.

ეთნიკური აზერბაიჯანელებით დასახლებული სოფელი თედოწმინდა გორიდან სამ კილომეტრში მდებარეობს, ადგილობრივების უმეტესობა მეცხოველეობას მიზდევს და როგორც სოფელში ამბობენ, საქონლის დაკარგვის ეს პირველი შემთხვევა არ არის.