„იგინებოდა და ილანძღებოდა უშვერი სიტყვებით“ - ვახუშტი მენაბდის დაკავების ოქმი

პოლიტიკა - 12:44, 03 Apr, 2019

1764

კონსტიტუციონალისტ ვახუშტი მენაბდისა და მასთან ერთად დაკავებული ხუთი პირის სასამართლო პროცესი დღეს 14:00 საათზეა ჩანიშნული.

ამის შესახებ ინფორმაციას კონსტიტუციონალისტი ვახუშტი მენაბდე ავრცელებს. მესამე სექტორის წარმომადგენლები საპატრულო პოლიციის შედგენილი ოქმსაც ასაჯაროებს, სადაც წერია:

"ჭავჭავაძის გამზირის მიმდებარედ, აქციის დროს იგი შეეცადა, გზის სავალი ნაწილის გადაკეტვას, იგინებოდა და ილანძღებოდა უშვერი სიტყვებით და არ ემორჩილებოდა პოლიციის კანონიერ მოთხოვნას" - წერს საპატრულო პოლიციის თანამშრომელი სამართალდარღვევათა ოქმში.

"დამირეკეს პოლიციიდან დღეს 14:00 საათზე თბილისის საქალაქო სასამართლოში გაიმართება ჩვენი პროცესი. სასამართლომ უნდა გადაწყვიტოს რა სახდელს დაგვაკისრებს 1-ლი აპრილის აქციის გამო. აქვე ავტვირთავ რას მე რას მედავება პოლიცია (სავარაუდოდ სხვებსაც იგივეს): გინებას, ქუჩის გადაკეტვას და პოლიციის ბოროტ დაუმორჩილებლობას.

განსაკუთრებით გინების ბრალდება მწყინს - ზრდილ გურულებში გაზრდილ ადამიანს. ხო ეკეთათ სამხრე კამერები? აუცილებლად მოვითხოვ რომ მტკიცებულებად მოიტანონ. დაბრალებაცაა და დაბრალებაც"- წერს მენაბდე.

ვახუშტი მენაბდე და ხუთ პირთან ერთად 2 დღის წინ, ჭავჭავაძის 5 ნომერში გამართულ აქციაზე დააკავეს.