გამოკითხულთა უმრავლესობა თვლის, რომ ოპოზიციის დაფინანსება ბიზნესმენს საქმიანობასა და წარმატებაში ხელს შეუშლის

გამოკითხულთა უმრავლესობა თვლის, რომ ოპოზიციის დაფინანსება ბიზნესმენს საქმიანობასა და წარმატებაში ხელს შეუშლის - კვლევა

პოლიტიკა - 12:44, 03 Apr, 2019

483

კავკასიის კვლევითი რესურსების ცენტრმა (CRRC), ღია საზოგადოების ფონდისა და საერთაშორისო ორგანიზაცია International IDEA-ს ერთობლივი პროექტი ფარგლებში საქართველოში კვლევა ჩაატარა, რომლის შედეგების თანახმად გამოკითხულთა უმრავლესობას მიაჩნია, რომ ოპოზიციის დაფინანსება ბიზნესის წარმატებას ხელს შეუშლის.

კითხვაზე "თქვენი აზრით, რამდენად შეუშლის ხელს დიდი ბიზნესის წარმატებას, თუ მისი მფლობელი ოპოზიციურ პარტიას აფინანსებს?" 26%-მა უპასუხა, რომ ძალიან შეუშლის, 36% აზრით კი მეტნაკლებად შეუშლის, 10% არცთუ ისე შეუშლის, 6% საერთოდ არ შეუშლის.

კვლევის ფარგლებში 1 786 რესპონდენტი (599 თბილისში, 1 187 რეგიონებში) გამოკითხა; რესპონდენტები შემთხვევითი შერჩევის შერჩევის პრინციპით, კიშის ცხრილის გამოყენებით შეირჩნენ. გამოკითხვის საშუალო ცდომილების ზღვარი 2,9%-ია, თუმცა თითეულ კითხვას ინდივიდუალური ცდომილების ზღვარი აქვს და, შესაძლოა, ის არ ემთხვეოდეს საშუალო ცდომილების ზღვარს. საველე სამუშაოები 2018 წლის 16-27 ნოემბრის პერიოდში მიმდინარეობდა.