ევროპარლამენტარების წერილები მემუკა ბახტაძეს და ფედერიკა მოგერინის, რომლებიც საუბრობენ ია კერზაიას საქმის აუციელებლ გამოძიებასა და საქართველოს საარჩევნო სისტემის პროპორციულზე გადასვლაზე 2020 წლისთვის მართველი პარტიიდან დემრაშით წასული ეკა ბესელია ეხმაურება და აცხადებს, რომ მსგავსი მკაცრი შეფასებები და გზავნილები არის ერთგვარი ინდიკატორი იმისა, რომ ცვლილებების დროა.

„კონსტიტუციურ ცვლილებას ითხოვს. ამ პარლამენტში რთულად წარმომიდგენია ამის მიღწევა, მგონია, რომ განწყობა, რომელიც უკვე ერთმანეთს ემთხვევა ბოლო რეკომენდაციები, რასაც ვიღებთ და ჩვენი შიდა განწყობები, არის ძალიან საყურადღებო ინდიკატორი და ანგარიშის გაწევა სჭირდება. კონტექსტი და ლექსიკონი უფრო მკაცრი გახდა ბოლო პერიოდის ტექსტებში, მიმართვებსა და შეფასებებში ჩვენი ქვეყნის მიმართ, ვიდრე ეს იყო აქამდე. მათ შორის ბოლო რეკომენდაციები და შეფასებები კიდევ უფრო მკაცრია. მგონია, რომ ეს ერთგვარი ინდიკატორია, რომ რაღაც მომწიფდა, დრო არის ცვლილებების. ამის განცდა და აღქმა იმის, რომ ცვლილებების განხორციელების დროა, აღქმა არ უნდა დაეკარგოს ხელისუფლებას,“ - განაცხადა ეკა ბესელიამ.