გამოკითხულთა უმრავლესობისთვის პარტიის ლიდერის ვინაობა უფრო მნიშვნელოვანია, ვიდრე საარჩევნო პროგრამა

გამოკითხულთა უმრავლესობისთვის პარტიის ლიდერის ვინაობა უფრო მნიშვნელოვანია, ვიდრე საარჩევნო პროგრამა - კვლევა

პოლიტიკა - 12:32, 03 Apr, 2019

773

კავკასიის კვლევითი რესურსების ცენტრმა (CRRC), ღია საზოგადოების ფონდისა და საერთაშორისო ორგანიზაცია International IDEA-ს ერთობლივი პროექტი ფარგლებში საქართველოში კვლევა ჩაატარა, რომლის შედეგების თანახმადაც საქართველოში გამოკითხული მოსახლეობის 55% თვლის, რომ საქართველოში არ არის პოლიტიკური პარტია, რომელიც მისთვის მნიშვნელოვან პრობლემებს მოაგვარებს. 10%-ია სრულად კმაყოფილი პოლიტიკური პარტიების საქმიანობით, 46,3% უფრო კმაყოფილია, ვიდრე უკმაყოფილო.

გამოკითხულთა 45,8%-სთვის ხმის მიცემისას უფრო მნიშვნელოვანია პარტიის ლიდერის ვინაობა, 38,5%-სთვის - პარტიის საარჩევნო პროგრამა. ამასთან, მოსახლეობის 66%-ს არასდროს წაუკითხავს პოლიტიკური პარტიის საარჩევნო პროგრამა. უმრავლესობა - 60,7% ფიქრობს, რომ არჩევნებში კაცს გამარჯვების მეტი შანსი აქვს, ვიდრე ქალს.

მოსახლეობის 17% ქალიშვილს პოლიტიკაში წასვლას მოუწონებდა. გამოკითხული მოსახლეობის დიდი უმრავლესობა ეთანხმება მოსაზრებას, რომ ადამიანები პოლიტიკაში საკუთარი კეთილდღეობისთვის მიდიან.

კვლევის ფარგლებში 1 786 რესპონდენტი (599 თბილისში, 1 187 რეგიონებში) გამოკითხა; რესპონდენტები შემთხვევითი შერჩევის შერჩევის პრინციპით, კიშის ცხრილის გამოყენებით შეირჩნენ. გამოკითხვის საშუალო ცდომილების ზღვარი 2,9%-ია, თუმცა თითეულ კითხვას ინდივიდუალური ცდომილების ზღვარი აქვს და, შესაძლოა, ის არ ემთხვეოდეს საშუალო ცდომილების ზღვარს. საველე სამუშაოები 2018 წლის 16-27 ნოემბრის პერიოდში მიმდინარეობდა.