ევროპარლამენტარების წერილები მამუკა ბახტაძესა და ფედერიკა მოგერინის - ევროპარლამენტის წევრები საქართველოს პრემიერ-მინისტრს ია კერზაიას გარდაცვალების საქმის დროული გამოძიებისკენ მოუწოდებენ, ფედერიკა მოგერინის კი მიმართავენ, შესაბამისი ქმედებები განახორციელოს საქართველოს მმართველ გუნდზე, რათა მოხდეს საარჩევნო სისტემის მთლიანად პროპორციულზე გადასვლა 2020 წლისთვის და არა - 2024 წლისთვის.

„ევროპული საქართველოს“ წევრის, გიორგი კანდელაკის განცხადებით, რომელმაც აღნიშნულ საკითხზე დღეს გამართული ბრიფინგის ფარგლებში ისაუბრა, ია კერზაიას საქმის გამოძიების გაჭიანურება ხელისუფლებას ყოველდღიურად ვნებს, ამიტომ უნდა გადაიდგას ქმედითი ნაბიჯები რაც შეიძლება სწრაფად.

„ევროპარლამენტის წევრები მოითხოვენ ია კერზაიას საქმის გამოძიებას, უკვე დიდი დრო გავიდა ამ ტრაგიკული შემთხვევიდან. პროკურატურას, ხელისუფლებას ჰქონდა საკმარისზე მეტი დრო, გადაედგა ქმედითი ნაბიჯები, დღეს ყველას შეგვიძლია თამამად ვთქვათ, რომ ხელისუფლება განზრახ აჭიანურებს ამ მნიშვნელოვანი საქმის გამოძიებას.

ამ საქმეს აქვს პრეცედენტული მნიშვნელობა ჩვენი ქვეყნისთვის, აუცილებელია ამ დანაშაულში ყველა მონაწილის დასჯა, საუბარია რა თქმა უნდა, განათლების სამინისტროს მაღალი თანამდებობის პირებზე, რომლებმაც უნდა დაასახელონ, მათთვის მითითების და ბრძანების მიმცემები, რომლებიც ასევე, უნდა დაისაჯონ, ეს არის სწორედ ევროპარლამენტის წევრთა წერილის სულისკვეთება, იმისათვის, რომ მომავალში ყველა არჩევნებზე, რომელიც გაიმართება საქართველოში, აღარ იქნას დაშვებული არც ერთი მთავრობის დროს მსგავსი ზეწოლა საჯარო მოხელეებზე და მითუმეტეს ასეთი ტრაგიკული შემთხვევები.

აღარ გამოვა ამ საქმის გაჭიანურება, რაც უფრო გავა დრო მით უფრო დაზიანდება მთავრობა, ამიტომ მთავრობის ინტერესშია რაც შეიძლება მალე გადაიდგას ნაბიჯები ამ ტრაგიკულ შემთხვევაზე და დაისაჯონ დამნაშავეები“, - განაცხადა კანდელაკმა.

კანდელაკის თქმით, მთავრობამ ყურადღება უნდა მიაქციოს მოწოდებებს და გაითვალისწინოს ევროპარლამენტართა მოთხოვნები:

„მეორე წერილი, რომელსაც ევროპარლამენტის წევრთა იგივე ჯგუფი აქვეყნებს და ხაზგასმით მინდა აღვნიშნო, რომ წერილს ხელს აწერენ ევროპარლამენტის მაღალი პოლიტიკური მნიშვნელობის და წონის წევრები სხვადასხვა პოლიტიკური ჯგუფებიდან და ქვეყნებიდან, ეხება პროპორციულ საარცევნო სისტემაზე გადასვლას, ამჟამინდელი შერეული სსიტემა რაც საქართველსო გააჩნია არის რისკის შემცველი, მომავალი პოლიტიკური სტაბილურობისთვის, ამიტომ თუ კარგია პროპორციული საარცევნო სისტემა 2024 წელს, რატომ არის იგი ცუდი 2020 წელს. იცით, რომ ამ საკითხთან დაკავშრებით „ევროპული საქართველო“ აგროვებს სხვა პარტიებთან ერთად ხელმოწერებს და უდაოა, რომ მტავრობამ ყურად უნდა იღოს, რომს აარცევნო სისტემის საკითხზე შედგეს რეალური დიალოგი მთავრობასა და ოპოზიციას შორის“, - აღნიშნა გიორგი კანდელაკმა.