ატლანტიკური საბჭოს ანალიტიკოსი იან ბრჟეზინსკი ამბობს, რომ ნატო-მ უფრო არსებითად უნდა დაუჭიროს მხარი საქართველოსა და უკრაინის ალიანსში გაწევრიანების მისწრაფებას. ეს განცხადება ბრჟეზინსკიმ ამერიკის შეერთებული შტატების სენატში გააკეთა, სადაც განხილვის მთავარი თემა ალიანსის წინაშე არსებული გამოწვევები და რუსეთის აგრესიული ქმედებები იყო.

„ნატო-მ უფრო არსებითად უნდა დაუჭიროს მხარი საქართველოსა და უკრაინის ალიანსში გაწევრიანების მისწრაფებას. უნდა უჩვენოს წევრობისკენ მიმავალი კონკრეტული გზა. ამ ქვეყნებში მოსკოვის შეჭრით ნათელი გაკვეთილი მივიღეთ. ნატო-ს თავშეკავებამ ამ ორი დემოკრატიისკენ სწრაფვასთან დაკავშირებით მხოლოდ გააძლიერა ვლადიმირ პუტინის მტრობა. რუსეთი საქართველოში შეჭრიდან ათწლეულზე მეტი გავიდა, ისინი ძირს უთხრიან დემოკრატიული ქვეყნის სუვერენიტეტს, იკავებენ მის ტერიტორიებს. ჩვენი საპასუხო ქმედება კი, თავშეკავებულია. თუ ჩვენ გავაძლიერებთ ზეწოლას უფრო ძლიერი სამხედრო პოზიციებით, უფრო ძლიერი ეკონომიკური სანქციებით, ვფიქრობ, ვლადიმერ პუტინი უკან დაიხევს,“- განაცხადა ბრჟენისკიმ.

ოფიციალური თბილისის ნატოში გაწევრიანების პერსპექტივებზე კონგრესის წარმომადგენელთა პალატის საგარეო კომიტეტის სხდომაზეც ისაუბრეს.