პარლამენტის დამოუკიდებელი დეპუტატი ნატო ჩხეიძე საქართველოს დამოუკიდებლობის თარიღის შეცვლას ითხოვს. ამის შესახებ მან განცხადება პარლამენტში გააკეთ:

„ჩემი განცხადება დღეს პარლამენტში 9 აპრილის დამოუკიდებლობის საზეიმო დღედ დადგენის აესახებ

მოგესალმებით, კოლეგებო

ამ თემის გასაჟღერებლად ისევ არ იქნებოდა შესაფერისი დრო, რომ არა ის, რაც წინა კვირას მთელმა ქვეყანამ იხილა და მოისმინა - საქართველოს პრეზიდენტის, პრემიერ- მინისტრის, პარლამენტის თავმჯდომარის, ქალაქის მერის, „ოცნების“ სხვა აქტივისტების მისალოცი სიტყვები საქართველოს პირველი პრეზიდენტის ზვიად გამსახურდიას საიუბილეო დღეების გამო.

აღნიშნული მილოცვები ბუნებრივი გაგრძელება და გამოხატულება იყო „ოცნების“ თავმჯდომარის
ბიძინა ივანიშვილის ასევე საიუბილეო ტექსტისა.

რადგან „ოცნების“ მთავრობამ და პარტიამ ასე საზეიმოდ აღიარა ზვიად გამსახურდიას განსაკუთრებული დამსახურება საქართველოს წინაშე და აღნიშნა მისი ღვაწლი არა მარტო რეფერენდუმის ორგანიზებასა და ჩატარებაში, რაც ერთი ეტაპი იყო დამოუკიდებლობისათვის ბრძოლაში, არამედ, სწორედ ქვეყნის დამოუკიდებლობის გამოცხადება 1991 წლის 9 აპრილს, რაც სწორედ ამ თარიღით, - 9 აპრილით არის ჩაწერილი საქართველოს კონსტიტუციის პირველსავე მუხლში.

შესაბამისად, ალბათ, მოვიდა ის დრო, როცა უნდა შეიცვალოს კიდეც დამოუკიდებლობის თარიღის აღნიშვნა და ქვეყანამ თავისი დამოუკიდებლობა უნდა იზეიმოს სწორედ 9 აპრილს და არა 26 მაისს,
როცა 1918 წელს ჟორდანიას მიერ მაშინდელი ქვეყნის დამოუკიდებლობა იქნა გამოცხადებული, რაც 3 წელიწადში დავკარგეთ რუსული ჯარის შემოჭრისა და მაშინდელი მთავრობის უთაობით , 70 წელი საბჭოეთის კოლონია ვიყავით და მხოლოდ 1991 წელს ხელახლა მოვიპოვეთ თავისუფლება ზვიად გამსახურდიას მოწამებრივი ღვაწლით, მაგრამ 1995 წელს შევარდნაძის ზეპირი გადაწყვეტილების საფუძველზე სწორედ ჟორდანიას თარიღი იქნა საზეიმო დღედ დადგენილი და არა გამსახურდიას თარიღი, ანუ დღევანდელი რესპუბლიკის დაბადების თარიღი, ანუ ის, რაც რეალობაა და რაც ჩაწერილია კიდეც საქართველოს კონსტიტუციაში.

მამა არ ახსოვდათ და მამინაცვალს ფიცულობდნენო, ამაზეა ნათქვამი.

და ვერ დაასახელებთ მსოფლიოში ვერც ერთ ქვეყანას, რომელიც თავის დამოუკიდებლობის დღეს აღნიშნავდეს არა კონსტიტუციაში ჩანაწერის, არამედ რომელიმე სხვა ისტორიულ თარიღის მიხედვით.

არადა, ყველამ ვიცით რომ კონსტიტუციური ჩანაწერი სავალდებულოდ შესასრულებელია,
თუ რაიმე სხვა პირადი მოტივი არ ახლავს ასეთ უკანონო ქმედებას.

ნათელია შევარდნაძის მოტივი, ასახსნელია სააკაშვილის მოტივი, მაგრამ გაუგებარი იქნება ოცნების მოტივი, და მისი ერთკვირიანი დითირამბები გამსახურდიას მიმართ სრულ ფარისევლობად აღიქმება , თუ ქვეყნის ყოველწლიურ ყოფა- ცხოვრებაში დამოუკიდებლობის საზეიმო დღედ არ დადგინდა მისი ნამდვილი დაბადების დღე - 9 აპრილი.

იმედი მაქვს, რომ ოცნების სიტყვები და ქმედება წინა კვირას არ იყო ფარსი და სიყალბე და კიდეც შეცვლით ქვეყნის დამოუკიდებლობის საზეიმო აღნიშვნის თარიღს და ამით შეასრულებთ როგორც ზნეობრივ, ისე უზენაესი კანონის მოთხოვნას- ქვეყნის რეალური ისტორიისა და კონსტიტუციური ჩანაწერის პატივისცემას.

დიახ, კოლეგებო, გამსახურდიას 9 აპრილი და არა ჟორდანია- შევარდნაძის 26 მაისი.

და ბოლოს, მინდა გამოვეხმაურო ოცნების წეცრის ფრაზას, რომ გამსახურდიას სიკვდილი ბურუსით არია მოცულიო, ეს ასე არ არის, მისი მკვლელობა დადგენილია საპარლამენტო საგამოძიებო კომისიის მიერ და აგრეთვე ლიტერატურის მკვლევარების მიერ და პროკურატურის მიერ ამის აღიარებას და დადასტურებას, ანუ როგორც თქვენ მიგაჩნიათ” ბურუსის გაფანტვას” მარტო პოლიტიკური ნება სჭირდება.“