სააკაშვილი ადასტურებს, რომ აფხაზეთისა და ცხინვალის დაბრუნების სანაცვლოდ, მთავრობა მზად იყო, ნატოზე უარი ეთქვა

პოლიტიკა - 00:13, 03 Apr, 2019

1431

მიხეილ სააკაშვილი ადასტურებს, რომ აფხაზეთისა და ცხინვალის რეგიონის სანაცვლოდ მაშინდელი ხელისუფლება რუსეთს სთავაზობდა მოლაპარაკებას სხვადასხვა თემაზე, მათ შორის ტერიტორიების სანაცვლოდ მთავრობა მზად იყო ნატოზე ეთქვა უარი.

„ვთავაზობდით მოდით რამეში გავცვალოთ, თუ ტერიტორიებს მოგვცემდნენ ყველაგერზე უარს ვამბობდი მათ შორის ნატოზეც კი... 2008 წლის დასაწყისში პირდაპირ ვუთხარი, ახლავე გიწერთ ხელს, ნატოზეც უარს ვამბობ, ტერიტორიები დაგვიბრუნეთ დავამყაროთ მშიდობა“ - ეს ამონარიდი ნიკა გავარმიამ სააკაშვილს გადაცემა „აქცენტებში“ წაუკითხა. სააკაშვილმა განაცხადა, რომ ამ საუბრი მოწმე არის გრიგოლ ვაშაძეც, როდესაც რუსეთს მოლაპარაკებებს სთავაზობდნენ აფხაზეთისა და ცხინვალის რეგიონის დაბრუნების სანაცვლოდ.

„ჩვენ მივიღეთ ის მემკვიდრეობა, რომელიც მივიღეთ. რუსები იყვნენ და გაყრა მათი იყო შეუძლებელი, ამიტომ ამას ვთავაზობდით. ცხინვალი იგულისხმებოდა, რომ ნელ-ნელა ჩვენ იმას წავიღებდით, ნელა-ნელა კი არა, მიგვქონდა სწრაფი ტემპებით, ჩვენი სამშვიდობო შეტევით. მაგას დაარქვა კარლ ბილტმა "დისკოთეკების დიპლომატია", როდესაც ბონი ემი ჩავიყვანეთ. ეს ერთჯერადი ღონისძიებები იყო, მაგრამ მთელი არსი იყო რაში, შევურიგდით იმ ადამიანს, ვინც გვესროდა, დიმა სანაკოევს. ვაპატიეთ ერთმანეთს ყველაფერი. გავუკეთეთ მთავრობა მათ და ვეუბნებოდით, აჰა, ოსების მთავრობაა, თან ყოფილი სეპარატისტების, ყველაფერს გაძლევთ, ოღონდ საქართველოში, რა თქმა უნდა და რუსეთი გაუშვით და მერე რუსეთში აღელდნენ და მთელი ე.წ. ცხინვალის მთავრობა ჩაანაცვლეს რუსეთი ოფიცრებით,“ - განაცხადა მიხეილ სააკაშვილმა.

კითხვაზე ,დაიწყო თუ არა საქართველომ ომი და დაბომბა თუ არა მან მძინარე ცხინვალი, როგორც ამაზე ოპონენტების საუბრობენ, მიხეილ სააკაშვილი აცხადებს, რომ ეს სისულელეა.

„ვინ უნდა დაგვებომბა, ხალხი არ იყო იქ,“ - განაცხადა მიხეილ სააკაშვილმა.