სახალხო დამცველმა 2018 წლის ანგარიში წარადგინა, რომელშიც რუსთაველის გამზირზე გასულ წელს „ნაციონალური მოძრაობის“ პოლიტიკური საბჭოს თავმჯდომარის ნიკა მელიას დაკავების საკითხიც არის მხოვედრილი და აღნიშნულია, რომ ოპოზიციონერი პოლიტიკოსის დაკავება კანონის დარღვევით მოხდა.

აღნიშნულს თავად გაერთიანებული ოპოზიციის „ძალა ერთობაშიას“ წევრი ნიკა მელია გამოეხმაურა და განაცხადა, რომ იგი გახარიას დავალებით დააკავეს:

„გახარიას დავალებით მოხდა ჩემი გატაცება, რომელსაც მერე განრიდება დაარქვეს. და სამარცხვინოა ის რასაც ხელისუფლება ამბობს, რომ თითქოს სამი საათი დასჭირდათ მათ რომ მოეხდინათ იდენტიფიცირება დაკავებულის. და მერე თურმე აღმოჩნდა რომ ეს ხოტორა ადამიანი არის პარლამენტარი ნიკა მელია. სამი საათი არკვევდნენ. ვინმეს სჯერა? ტყუილსაც ვერ იგონებენ. ამასთან დავამატოთ მოცემულობა როდესაც ყველა ის 9 ადამიანი ვინც მე უშუალოდ დამაკავა არც ერთი მათგანი არ იყო რიგითი პოლიციელი. მათშორის შს მინისტრის მოადგილეც. თავის თავს დააბრალოს გახარიამ. რაც უფრო მეტ სისულელეს გააკეთებს, უფრო მეტ კითხვაზე იქნება პასუხი გასაცემი,“-განაცხადა ნიკა მელიამ.