ეკა ბესელიასა და ზვიად კვაჭანტირაძეს შესაძლოა, ევროსაბჭოს საპარლამენტო დელეგაცია დაატოვებინონ. აღნიშნულ საკითხზე დღეს საგარეო კომიტეტის სხდომაზე იმსჯელებენ.

ეკა ბესელია აღნიშნულ გადაწყვეტილებას პარლამენტის ტავმჯდომარის პირად შურისძიებას უკავშირებს:

„ძალიან უხერხული იქნება, ეს აღარ არის უკვე სასაცილო თემა, რომ პირადი განწყობების გამო და შურისძიების გამო, გადაწყვიტოს პარლამენტის თავმჯდომარემ, ჩემი და ზვიად კვაჭანტირაძის ამ დელეგაციიდან გამოყვანა. იმიტომ რომ, ამ დელეგაციას, როგორც არ უნდა მოინდომოს, ვერ შეცვლის იანვრამდე,“-განაცხადა ბესელიამ.

მისი თქმით, მათი დელეგაციიდან გამოყვანა შესაძლებელი იქნება თუ რიგგარეშე საპარლამენტო არჩევნები ჩატარდება.