“გაერთიანებული ოპოზიცია - ძალა ერთობაშია“ ხელისუფლებას თაღლითობასა და მოსახლეობის მოტყუებაში ადანაშაულებს. საუბარია საპენსიო რეფორმაზე.

ოპოზიციის წევრების განცხადებით, ხელისუფლება დასაქმებულების და დამსაქმებლების ხარჯზე ბიუჯეტის შევსებას აპირებს:

სავალდებულო საპენსიო რეფორმაში 40 წელს გადაცილებული დასაქმებულები იმ პირობით ჩართეს, რომ 3 თვის გასვლის შემდეგ მათ ექნებოდათ საპენსიო სქემის დატოვების საშუალება და გადარიცხული თანხა სრულად დაუბრუნდებოდათ უკან.

თუმცა, ირკვევა, რომ თუ პიროვნება დატოვებს საპენსიო სქემას, თანხის დაბრუნებისას მის მიერ დაგროვებული თანხა დაიბეგრება საშემოსავლო გადასახადით. ხოლო ცალკე კომპანიებისთვის დასაბრუნებელი თანხა დაიბეგრება 20%-ით.