"პარტიამ, რომელიც ივანიშვილმა დატოვა, სიტუაციის კონტროლქვეშ მოქცევა ვეღარ შეძლო"

"პარტიამ, რომელიც ივანიშვილმა დატოვა, სიტუაციის კონტროლქვეშ მოქცევა ვეღარ შეძლო" - ზურაბიშვილი

პოლიტიკა - 19:26, 01 Apr, 2019

1893

საქართველოს მეხუთე პრეზიდენტმა სალომე ზურაბიშვილმა „შპიგელს“ ინტერვიუ მისცა სადაც „ქართული ოცნების“ თავმჯდომარეზე ისაუბრა.

პრეზიდენტმა გავლენიან გამოცემას უთხრა, რომ ბიძინა ივანიშვილს პოლიტიკაში დარჩენა არ უნდოდა.

“ჩემი მასთან გამართული მცირერიცხოვანი საუბრების შემდეგ, ვფიქრობ, რომ მას ნამდვილად არ უნდოდა პოლიტიკაში დარჩენა, რადგან ის მას არ მოსწონს. მაგრამ პარტიამ, რომელიც მან დატოვა, სიტუაციის კონტროლქვეშ მოქცევა ვეღარ შეძლო და გამოიკვეთა ტენდენცია, რომ პარტიის ლიდერთა რიგებიდან ხალხი ისედაც მასთან მიდიოდა რჩევის საკითხავად“, - განაცხადა ზურაბიშვილმა.

საქართველოს პრეზიდენტის ამ განცხადებას ჟურნალისტის რეპლიკა მოჰყვა: ასეა თუ ისე, ეს დიდი პრობლემაა, როცა უმდიდრესი ადამიანი ქვეყანას არაფორმალურად მართავს და დიდი პარტიის უკან დგას, რაზეც სალომე ზურაბიშვილმა უპასუხა, რომ ივანიშვილი პარტიის უკან კი არა, სათავეში დგას.

„ის პარტიის უკან კი არ დგას, არამედ სათავეში უდგას მას. გარდა ამისა, ვვარაუდობ, რომ ეს მისი პოლიტიკაში დაბრუნების უკანასკნელი შემთხვევაა - 2020 წლის საპარლამენტო არჩევნების შემდეგ ის აშკარა დისტანცირებას მოახდენს“, - განაცხადა პრეზიდენტმა.

სალომე ზურაბიშვილი ინტერვიუში ამბობ, რომ

„ვანიშვილი დიდი სიმპათიით სარგებლობს, რადგან მოსახლეობა მასში იმ კაცს ხედავს, რომლის საშუალებითაც სააკაშვილის ჩამოშორება გახდა შესაძლებელი მაშინ, როცა ჩვენ ავტორიტარული სახელმწიფოდ გადაქცევის გზას ვადექით და რადგან მოსახლეობა დარწმუნებულია, რომ სხვა ამას ვერავინ შეძლებდა".

სალომე ზურაბიშვილის ინტერვიუს თარგმანს პრეზიდენტის ადმინისტრაცია ავრცელებს.