"ჯერ უნდა შექმნა გარკვეული სოციალური ფონი და შემდგომ დააწესო რეგულაციები"

"ჯერ უნდა შექმნა გარკვეული სოციალური ფონი და შემდგომ დააწესო რეგულაციები" - ზალიკო უდუმაშვილი ტაქსის მძღოლებს შეხვდა

პოლიტიკა - 16:28, 01 Apr, 2019

785

ტაქსის მძღოლები ამბობენ, რომ თბილისის მერიის მიერ ავტომობილის თეთრად გადასაღებად გამოყოფილი 700 ლარიანი ვაუჩერი საკმარისი არ არის და იმ შემთხვევაში თუ მერია ცვლილებებზე უარს არ იტყვის, ტაქსის მძღოლების 90% მუშაობის გაგრძელებას ვეღარ შეძლებს.

მძღოლების პრობლემები დღეს გაერთიანებული ოპოზიციაში განიხილეს.

ზალიკო უდუმაშვილის აზრით, ხელისუფლებამ საქმის კეთება, როგორც ყოველთვის, უკუღმა დაიწყო.

„ამ ხალხის 90 პროცენტი თუ მეტი არა იძულებული გახდა ტაქსის მძღოლი გამხდარიყო, ეს მათი მოწოდება არ ყოფილა, თუმცა მე ამ შემთხვევაში არ ვაკნინებ საერთოდ ტაქსის მძღოლის პროფესიას. უბრალოდ, ეს ხალხი იძულებული გახდა რომ მანქანაზე დამჯდარიყო, ვინაიდან სხვა სამსახური არ არის. ხელისუფლებამ დაიწყო უკუღმა, როგორც ყოველთვის საქმის კეთება. ამ შემთხვევაში ჯერ უნდა შექმნა გარკვეული სოციალური ფონი, იმისათვის, რომ ხალხს მიეცეს ამოსუნთქვის საშუალება და შემდგომ უნდა დააწესო რეგულაციები და არა პირიქით. ამიტომ, ჩვენ აბსოლუტურ მხარდაჭერას ვუცხადებთ ტაქსის მძღოლებს,“- განაცხადა უდუმაშვილმა.