„ზუგდიდში „ოცნების“ მერობის კანდიდატის დავალიანება 500 ათას დოლარს აღწევს... სამივე მერის ვალების დაფარვა ბიუჯეტის და ტენდერების ხარჯზე მოგვიწია“

პოლიტიკა - 23:00, 30 Mar, 2019

3394

ზუგდიდში „ქართული ოცნების“ მერობის კანდიდატის გეგა შენგელიას ფინანსურ დავალიანებებზე წერს „ენმ“-ის ზუგდიდის საკრებულოს ფრაქციის ლიდერი ანი წითლიძე. მისივე თქმით, ქალაქის მერების დავალიანებების გადახდა ზუგდიდელების ბიუჯეტისა და ტენდერების ხარჯზე ხდებოდა.

„ქართული ოცნების პირობებში ზუგდიდის სამივე მერს თოლორაიას, გოგოხიას, გოგიას ვალები ჰქონდათ და მთელი ზუგდიდის ბიუჯეტის და ტენდერების ხარჯზე მოგვიწია მათთვის ამ ვალების დაფარვამ.

მეოთხე მერობის კანდიდატს Giorgi Shengelia/გიორგი შენგელია - ბანკის და ცალკე პირების ვალი ნახევარ მილიონ დოლარს აღწევს. (ნაწილი დეკალარაციაში მითითებული აქვს) რაც მითითებული არა აქვს მთელმა ზუგდიდმა იცის. დეკლარაციის მიხედვით, შემოსავალიც არაფერი აქვს რომ ამ ვალების ყოველთვიური პროცენტი იხადოს, რომც გაიმარჯვოს ზუგდიდის მერის ხელფასი 3000 ლარს არ აღემატება და რითი აპირებს ამ ვალების გასტუმრებას გაუგებარია.

ბიძინა ივანიშვილი - მაგ დაპირებებში უხვად რომ გაეცით, ჩვენი, ზუგდიდელების თხოვნა იქნება, ამას მაინც გაუსტუმრეთ ეგ ვალები, გამარჯვების შემთხვევაში (რაშიც დიდი ეჭვი მეპარება) ზუგდიდელების ფული მისი ვალების გასტუმრებაში რომ არ დაიხარჯოს :დ :დ

თან ისე მიდის საქმეები თუ წააგო ხომ საერთოდ ისე დარჩება, ბანკშიც აღარ დააბრუნებენ.“ - წერს ანი წითლიძე.