საპატრიარქოში, ქართული გალობის ანთოლოგიის პრეზენტაციაზე კათოლიკოს პატრიარქმა ილია მეორემ განაცხადა, რომ მან პრემიერ-მინისტრ მამუკა ბახტაძეს საშუალო სკოლის პროგრამებში გალობისა და ხალხური სიმრერის შეტანა სთხოვა. პრემიერი კი აღნიშნულის გაკეთებას დაჰპირდა:

„მე მახსენდება ჩვენი შეხვედრა პრემიერ-მინისტრთან. მე მას ვთხოვე, რომ საშუალო სკოლის პროგრამებში შევიდეს გალობა და ხალხური სიმღერა. პრემიერ-მინისტრი შემპირდა, რომ ეს იქნებოდა. ყველას გილოცავთ ამ დღეს. ქართული სიმღერა და გალობა ეს არის დიდი ნაწილი ქართული კულტურისა. ღმერთმა დაგლოცოთ და მე მჯერა, რომ ეს ნაბიჯი არ იქნება ერთი ნაბიჯი და მას მომავალი ნაბიჯებიც მიჰყვება ამას“, – განაცხადა ილია მეორემ.