ამერიკის შეერთებული შტატების სახელმწიფო დეპარტამენტის ხმაურიანი დასკვნა - ნარკორეალიზაციისა და ფულის გათეთრების საკითხებში საქართველოს მოხსენიების ფაქტს, ოპოზიცია ეხმაურება.

გაერთიანებული ოპოზიციის „ძალა ერთობაშიას“ ერთ-ერთი ლიდერი ხატია დეკანოიძე აცხადებს, რომ ხელისუფლებამ უნდა გააანალიზოს თუ რამხელა საფრთხეს უქმნის საქართველოს ის შეფასება, რომელიც ანგარიშშია წარმოდგენილი:

„ზოგადად არასამთავრობო სექტორის კრიტიკა დამახასიათებელია ტოტალიტარული რეჟიმებისთვის. შავი ხვრელი, რომელიც უკავშირდება ორგანიზებულ დანაშაულს, ფულის გათეთრებას, ნარკოდანაშაულს, სატრანსპორტო დერეფანს ტრანსნაციონალური დანაშაულისთვის, რეალურად არის მნიშვნელოვანი იმიჯის დამაზიანებელი საქართველოსთვის როგორც უსაფრთხო ქვეყნისთვის და ჩვენი საერთაშორისო პარტნიორებისთვის. სიმართლე გითხრათ არ მიკვირს, რომ საქართველო აშშ-ს სახელმწიფო დეპარტამენტის ანგარიშში მოხვდა ამ მიმართულებით. საქართველოს, როგორც ორგანიზებულ დანაშაულისთვის სატრანსპორტო ტრანსნაციონალური დანაშაულის დერეფნად გადაქცევა არის სერიოზული და ფუნდამენტური პრობლემა, მათ შორის ჩვენი ქვეყნის უსაფრთხოებისთვის ამიტომ ამ პრობლემას სჭირდება გადაჭრა და არა უპასუხისმგებლო და არაადეკვატური განცხადებები,"-განაცხადა ხატია დეკანოიძემ.