„ვაჩუქოთ ერთმანეთს ტიტები 17 მოკლული ქალის გარეშე?!“ - 9 აპრილს საზოგადოებრივ მაუწყებელთან მოქალაქეები აქციას გამართავენ.

აქციის მიზეზი ისაა, რომ 1989 წლის 9 აპრილიდან 30 წლისთავზე პირველ არხზე ჯემალ სეფიაშვილი სიმღერის „ვაჩუქოთ ერთმანეთს ტიტები“ ახალი ვერსიის გაშვებას აპირებს, რომელშიც მხოლოდ კაცები მღერიან.

"9 აპრილის ტრაგედიიდან 30 წლის თავზე, ყველასთვის ცნობილი სიმღერის, ''ვაჩუქოთ ერთმანეთს ტიტები''ს ახალი ვერსია ჩაიწერა, სადაც ''მაესტრო'' ჯემალ სეფიაშვილის განცხადებით, ამ სიმღერას მხოლოდ კაცები ჩაწერენ და პრეზენტაცია შედგება პირველი არხის პირდაპირ ეთერში!

ნახეთ ''მაესტრო'' ჯემალის განცხადება:

https://www.facebook.com/1stchannel/videos/404477360354257/

მხოლოდ კაცები ჩაწერენ იმიტომ რომ მისი განცხადებით მამაკაცი არის ოჯახის და ქვეყნის დაცვის სიმბოლო!!!

1989 წლის, 9 აპრლის, რუსეთის საჯარისო ნაწილებმა დაარბიეს დამოუკიდებლობის მოთხოვნით შეკრებილი ჩვენი მოქალაქეები, რა დროსაც მოკლეს 21 ადამიანი. ამ 21 ადამიანიდან 17 იყო ქალი!!!!

მოვუწოდებთ პირველი არხი პირველ არხს, არ გაუშვათ 30 წლის თავზე, 9 აპრილს პირველი არხის პირდაპირ ეთერში ამ სიმღერის უნამუსო პრეზენტაცია!

მოვუწოდებთ იმ 25 მომღერალ კაცს, არ მიიღონ ამ სამარცხვინო ჩანაწერში მონაწილეობა!!

მოვუწოდებთ ყველა ადამიანს, ვისთვისაც ის 17 ქალი, ქვეყნის დაცვის სიმბოლოა, ნუ მიიღებთ ამ სამარცხვინო აბსურდის თეატრში მონაწილეობას, რადგან ეს არის იმ 17 ქალის და კიდევ უამრავი სხვა ქალის შეურაცხყოფა, რომლებმაც საკუთარი სამშობლოსთვის გაწირეს თავი!

ამიტომ, 9 აპრილს 15:00 საათზე, პირველ არხთან, ერთად მოვთხოვოთ ამ სამარცხვინო ფაქტის შეჩერება!!"- ნათქვამია აქციის ორგანიზატორების განცხადებაში.