პეკინისა და მიცკევიჩის ქუჩების კვეთაზე, მიწისქვეშა პარკინგის მოწყობის ინიციატივაში ოპოზიცია კალაძისა და დედაქალაქის მთავრობსი ბიზნესინტერესებს ხედავს და ამ პროექტის უკან გაწვევას ითხოვს. ლევან ხაბეიშვილი არ გამორიცხავს, რომ ფართის გამოყენება კომერციული მიზნებისთვისაც მოხდეს, რადგან აღნიშნულ ტერიტორიაზე 100 ავტომობილი ეტევა, დამატებითი სადგომის აშენების აუცილებლობა არ არის. ტერიტორია კონკრეტულ კომპანიას სიმბოლურად, 1 ლარად გადაეცემა.

„ეს არის კალაძის და დედაქალაქის მთავრობის ახალი ბიზნესი და ნოუჰაუ, რომ პირდაპირ გზაზე ააშენონ ახლა რამდენიმე სართულიანი შენობა-ნაგებობა, რომელსაც რა თქმა უნდა იმისთვის კი არ გამოიყენებენ, რომ საპარკინგე ადგილი იყოს, გამოიყენებენ იმისთვის, რომ კომერციული ფართი ჰქონდეთ და დამატებითი შემოსავალი მიიღონ.“- განაცხადა ლევან ხაბეიშვილმა.