"სკანდალურს ვერაფერს ვხედავ... პოლიციის მუშაობა არის ეფექტური"- გაქურდეს თუ არა დეპუტატი

"სკანდალურს ვერაფერს ვხედავ... პოლიციის მუშაობა არის ეფექტური"- გაქურდეს თუ არა დეპუტატი - ვოლსკის კომენტარი

პოლიტიკა - 19:04, 28 Mar, 2019

1599

პარლამენტის ვიცე-სპიკერი გია ვოლსკი სოფელ ახატანში მომხდარ ინცინდენტს "ძარცვას ვერ დაარქმევდა".

როგორც "ნიუპოსტს" ვოლსკიმ უთხრა, მისი სახლიდან არაფერი მოუპარავთ და მხოლოდ "ფანჯარა იყო ჩატეხილი".

უმრავლესობის დეპუტატი გაზრდილ კრიმინალზე დასმული კითხვის საპასუხოდ ამბობს, რომ პირადი ქონების ხელყოფის სტატისტიკა გაზრდილია, თუმცა იქვე დასძენს, რომ მძიმე დანაშაულებების გახსნის მაჩვენებელმა იმატა.

რაც შეეხება მისი სახლის ქურდობის შესახებ მედიაში დღეს გავრცელებულ ინფორმაციას, დეპუტატი აღნიშნავს, რომ ქონების ხელყოფის შესახებ ჟურნალისტს თვენახევრის წინ ესაუბრა თუმცა როგიორც ვოლსკი ამბობს, "ამ თემის წამოწევა ვიღაცას დასჭირდა".

"დაახლოებით თვე ნახევრის წინ ერთ-ერთ ჟურნალისტთან საუბარი მქონდა დანაშაულებების სტატისტიკაზე, გავაანალიზეთ სიტუაცია, რომელმა დანაშაულმა იკლო და იმატა, რომ მძიმე დანაშაულებების გახსნის მაჩვენებელმა იმატა, რაც კარგია. მნიშვნელობა აქვს იმას, რომ ბევრი ისეთი დანაშაული იყო, რომ ადრე არ თვლიდნენ დანაშაულად, მომართვიანობამ იმატა. აქედან გამომდინარე სტატისტიკა გაზრდილია, ასევე გაზრდილია პირადი ქონების ხელყოფის სტატისტიკა.

ჩემი კოლეგა მიხსენეს, მითხრეს რომ მისი სახლი გაძარცვეს რაც დავუდასტურე. მითხრეს რომ ჩემი სახლიც არის გაძარცული. მინდა გითხრათ, რომ იქ გასაძრცვი არაფერი არ არის. სამწუხაროდ, ვერ მოვახერხე სათანადო საცხოვრებელი პირობების შექმნა.

მე მაშინვე განვმარტე რომ ფანჯარა იყო ჩატეხილი , რაღაც სამუშაო ინსტრუმენტი იდო და არ მახსოვს აღებულია თუ არა, ასე, რომ ამას ძარცვას ვერ დავარქმევ-თქო. ახლა როგორც ჩანს ვიღაცას დასჭირდა ამ ინფორმაციის წამოწევა. საკმაოდ მწვავედ და ინტენსიურად შუქდება”- აცხადებს ვოლსკი.

მიუხედავად იმისა, რომ ბოლო პერიოდში ორი მაღალჩინოსანის სახლი გაქურდეს ვიცე სპიკერი ამბობს, რომ „აქ სკანდალური არაფერია“.

“ფაქტია , რომ მოხდა ძარცვა. ამას მოჰყვა თემა და შესაბამისი პასუხი გავეცი, თუმცა სკანდალურს ვერაფერს ვხედავ. ვინც ამ სტატისტიკითაა დაინტერესებული ადვილად მიხვდება, რომ პოლიციის მუშაობა არის ეფექტური. ვინც ამ ეფექტს ხედავს იმან ახალი თემა უნდა შემოიტანოს რომ ამას ჩრდილი მიაყენოს“- აღნიშნა ვოლსკიმ.