"მძიმე დანაშაულია"- ბესელიას გააქტიურების პარალელურად გავრცელებული პირადი ცხოვრების ამსახველიკადრები- პრემიერი კითხვებს გაურბის

პოლიტიკა - 14:42, 28 Mar, 2019

719

მორალური ტერორი ეკა ბესელიას წინააღმდეგ - რა პოზიცია აქვს პრემიერ მინისტრს გამავრცელებლის პირველ წყაროს დაუდგენლობაზე და რატომ ემთხვევა დეპუტატის პირადი ცხოვრების ამსახველი ვიდეოების ინტერნეტში გავრცელება ბესელიას პოლიტიკურად გააქტიურებას?!

საქართველოს პრემიერ-მინისტრმა საკანონმდებლო ორგანოს წარმომადგენლის პირადი ცხოვრების ამსახველი ვიდეო-ჩანაწერების გავრცელებას მძიმეს უწოდებს, რაც შეეხება საქმის გამოუძიებლობას, მამუკა ბახტაძე ამბობს, რომ ჟურნალისტმა კითხვისას შეფასება გააკეთა.

"თქვენი შეკითხვა იყო შეფასება, ეს არ იყო შეკითხვა. ჩემთვის ძალიან მძიმეა იმის მოსმენა, რომ საქართველოში კიდევ ერთხელ დაფიქსირდა პირადი ცხოვრების ამსახველი ფაქტის გავრცელება ინტერნეტ სივრცეში.
აქვე ისიც უნდა ავღნიშნო საზოგადოებიდან ამ ყველაფერს მოჰყვა ძალიან მაღალი მოქალაქეობრივი შეგნებით გამოწვეული ნაბიჯების გადადგმა. მყისიერად მოხდა სამართალდამცელების ინფორმირება, რომ ასეთ ფაქტს ჰქონდა ადგილი. იცით, რომ შსს-ს ჰყავს უკვე ეჭვმიტანილიც და აქტიურად მუშაობენ, რომ გამოვლინდეს სხვებიც.
ზოგადად, კიბერდანაშაული, ძალიან კომპლექსური დანაშაულია და ეს არის 21-ე საუკუნეში გამოწვევა ყველაზე ძლიაერი ქვეყნებისთვისაც კი. აქიდან გამომდინარე ძალიან მძიმეა ამ ყველაფრის მოსმენა, ჩვენ ძალიან კარგად გვესმის, რომ ამ მიმართულებით საჭირო დამატებითი რესურსები და დამატებითი ინფრასტრუქტურა. კიბერდანაშაულთან ბრძოლა არის ძალიან რთული"- თქვა პრემიერმა.

ბახტაძის თქმით, რომ ბესელიას პირადი ცხივრების კადრების გავრდცელება მისთვის ძალიან მძიმეა, თუმცა არაფერი თქვა გამარვცელებლების, პირველწყაროს შესახებ.

"ვისურვებდი, რომ ეს არ მომხდარიყო. ვაკეთებთ ყველაფერს, რომ ასმის პრევენცია მოხდეს. ვერ დაგეთანხმებით იმაში, რომ გამოძიება დუმს. როგორ დუმს, როდესაც ასეთ ინტენსიურ რეჟიმში მიმდინარეობს?! რეაქციაც ამ კონკრეტულ შეთხვევაზე იყო მყისიერი.

პრემიერს ამ რეპლიკის შემდეგ ჰკითხეს "მყისიერი რეაქცია არის თუ არა ის, რომ იმ პირებს იჭერენ, ვინც ნახა".

"მოდით შევთანხმდეთ, ერთ რაღაცაზე რომ საკითხი, რომელიც ეხება პირადი ცხოვრების ამსახველი ფაქტების გავრცელებას, ეს არის ძალიან მძიმე დანაშაული და ამის გამართლება არანაირი არგუმენტით არ შეიძლება. ყველანი უნდა ვიყოთ დაინტერესებული და ვართ დაინტერესებული, რომ ნებისმიერი ადამიანი, რომელიც მსგავსი ტიპის დანაშაულის ჩადენის რომელიმე ეტაპზე იქნება იდენტიფიცირებული, ყიყოს დასჯილი კანონის სრული სიმკაცრით. დიახ, ჩვენ სწორედ ამას ვთხოვთ გამოძიებას. იმის მტკიცება, რომ გამძიება ამისთვის არაფერს აკეთებს, საზოგადოების შეცდომაში შეყვანაა"- თქვა ბახტაძემ.
მამუკა ბახტაძემ დღეს პირდაპირ არ უპასუხა კითხვას, ბესელიას გააქტიურებისთანავე კადრების გავრცელებასთან არსებულ კითხვებთან დაკავშირებით დასმულ შეკითხვებს.

"მსგავსი კადრების გავრცელება 50 წლის შემდეგაც რომ მოხდეს, ეს ისეთივე მძიმე დანაშაული იქნება როგორც დღეს. ეს არის ჩვენი სულისკვეთება - პირადი ცხოვრების ამსახველი ვიდეო-კადრების ინტერნეტში გავრცელება უმძიმესი დანაშაულია არ აქვს მნიშვნელობა ვინ ავრცელებს და ვინ უწყობს ხელს"- განაცხადა მამუკა ბახტაძემ.