რატომ დაემთხვა ბესელიას კადრების მეორედ გავრცელება "ქართულ ოცნებაში" დაპირისპირებას - სამოქალაქო სექტორი საეჭვო დამთხვევაზე საუბრობს

პოლიტიკა - 09:20, 28 Mar, 2019

874

სამოქალაქო სექტორი არ გამორიცხავს, რომ პირადი ცხოვრების ამსახველი კადრების ხელახლა გავრცელება "ქართულ ოცნებაში" არსებულ უმწვავეს დაპირისპირებას უკავშირდებოდეს.

მესამე სექტორში აღნიშნავენ, რომ ამ ეტაპზე მთავარია გამოვლინდეს ვინ გაავრცელა კადრები. ასევე მოხდეს დროული რეაგირება სამართალდამცავი უწყებების მხრიდან.

"თუ ეს საკითხი გამოძიების იმ ეტაპზე დარჩება, რაც დრეს ჩვენ გვაქვს, ეს პრაქტიკულად ნიშნავს იმას, რომ კონკრეტული პირი ვისი მხრიდანაც მოხდა ამ ყველაფრის ფორსირება და სოციალურ ქსელებში თუ სხვადასხვა ინტერნეტარხებზეგაშვება, ის იქნება დაუსჯელი,"-აცხადებს სულხან სალაძე.

ადამიანის უფლებების სწავლებისა და მონიტორინგის ცენტრის მართლმსაჯულების და დემოკრატიის პროგრამის დირექტორი სოფო ვერძეული ვიდეომასალის გავრცელებასა და მმართველ გუნდში ხელახალ დაპირისპირებაზეც ამახვილებს ყურადღებას.

"არის გარკვეული საეჭვო დამთხვევა, როდესაც აქტიურდება პოლიტიკურ გუნდში გარკვეულწილად დაპირისპირება, ემთხვევა ამ კადრების შესახებ ინფორმაციის გავრცელება საზოგადოებაში, თუმცა ისევ სამართალდამცავების ვალდებულებაა ყველა ამ კითხვას უპასუხონ,"-აცხადებს სოფო ვერძეული.