შეფასებისა და გამოცდების ეროვნული ცენტრის ინფორმაციით, ერთიანი ეროვნული გამოცდების რეგისტრაციის დასრულებამდე რამდენიმე დღით ადრე, მხოლოდ 12 ათასზე მეტი აბიტურიენტია დარეგისტრირებული.

განათლების, მეცნიერების, კულტურისა და სპორტის მინისტრის მოადგილის, ირინა აბულაძის თქმით, წელს სკოლას 39 ათასი მოსწავლე ასრულებს.

2019 გამოცდებისათვის რეგისტრაცია 12 მარტს დაიწყო. 25 მარტის მონაცემებით:

ერთიანი ეროვნული გამოცდებისათვის რეგისტრაცია 12 ათასზე მეტმა აბიტურიენტმა გაიარა;

სტუდენტთა საგრანტო კონკურსში მონაწილეობის სურვილი 600-ზე მეტმა სტუდენტმა გამოთქვა;

საერთო სამაგისტრო გამოცდისათვის ელექტრონული განაცხადი 1700-ზე მეტმა აპლიკანტმა შეავსო.