"მნიშვნელოვანი სტარტი" - ეკა ბესელია "დაიცავი საქართველოსთან" გაერთიანებაზე საუბრობს

პოლიტიკა - 14:51, 27 Mar, 2019

1287

"ეს შეკრება ძალიან მნიშვნელოვანი სტარტი იქნება"- ეს განცხადება უმრავლესობის ყოფილმა წევრმა, დეპუტატმა ეკა ბესელიამ დავით მაღრაძის მიმართვის შეფასებისას გააკეთა.

"დაიცავი საქართველო" 13 აპრილს ფილარმონიაში შეხვედრას მართავს, რომელსაც როგორც ჩანს "ოცნებიდან" დემარშით წასული პარლამენტარებიც დაესწრებიან. ყოველშემთხვევაში ბესელიას გადაწყვეტილება უკვე ცნობილია.

მეტიც, დეპუტატმა "ტვ პირველთან" მაღრაძესთან გაერთიანებაც კი არ გამორიცხა.

"ის მოწოდება, რომელიც გაისმა დათო მაღღაძის მხრიდან - 13 აპრილს ფილარმონიაში შეკრება ყველა იმ ადამიანის, ვისაც უნდა თანამონაწილე იყოს ყველა მნიშვნელოვანი მოვლენის. უნდა სამართლიანობისთვის და ღირსებისთვის რომ უფრო მკვეთრი ბანიჯები გადაიდგას და რაღაცნაირად შესაძლებელი იყოს ხელშესახები იყოს ეს ყველაზე დიდი იდეალი. ალბათ, ეს შეკრება კარგი და მნიშვნელოვანი სტარატი იქნება რასაც მივესალმები, ძალიან ემოციურად შევხვდი ამ განცხადებას"- თქვა ბესელიამ და იქვე აღნიშნა, რომ ამ შეკრებაზე თავადაც მივა.

ბესელკიამ არ გამორიცხა, რომ "დაიცავი საქართველოს" ლიდერებთან მხოლოდ მხარდამჭერის სტატუსი არ ჰქონდეს.

"რა თქმა უნდა ვიქნები შეკრებაზე... ვნახოთ, ჩვენ თანამოაზრეები ვართ ამ პროცესში, თუმცა შემდეგ ნაბიჯებზე შემდეგ ვისაუბრებთ. მთავარია იდეა, რომელიც ღირებულია. იდეა რომელიც ყველა ჩვენი მოქალაქის დაცვას გულისხმობს, ქვეყნისთვის უკეთესი პერსპექტივის შექმნას ემსახურბა. ყველაფერი ამ ჭრილში უნდა დავინახოთ"- თქვა ბესელიამ.

უმრავლესობის ყოფილი წევრი, მის მიმართ განხორციელებულ მორალუტ ტერორზეც საუბრობს და ამბობს, რომ პირადი ცხოვრების ამსახველი ვიდეოები ინტერნეტ სივრცეში მაშინვე ჩნდება, როცა ის აქტიურობას იწყებს.
"ძალიან სამწუხაროა, რომ ისევ მიწევს ისეთი კონსტიტუციური უფლების დარღვევაზე საუბარი, როგორიც ადამიანების პირადი სივრცის ხელშეუხებლობის დარღვევა, პირადი ცხოვრების ხელშეუხებლობის დარღვევა. სამწუხაროდ მერამდენედ ხდება მორალური ტერორის განხორციელება და შემთხვევითი არ უნდა იყოს ეს ყველაფერი ემთხვევა ჩემს გააქტიურებას"- აღნიშნა ბესელიამ.