„დაიცავი საქართველო“ 13 აპრილს, 14:00 საათზე ფილარმონიაში საგანგებო შეკრებას მართავს. საქართველოს იუსტიციის მინისტრი თეა წულუკიანი მიიჩნევს, რომ დავით მაღრაძე „ქართული ოცნების“ წინააღმდეგი არ არის:

„თუკი ცალკე, სხვა პლატფორმით, განსხვავებული მიდგომებით შეებრძოლება ამ წარსულს ბატონი დავითი, რა თქმა უნდა, გულწრფელად წარმატებებს ვუსურვებ, რადგან ჩვენ ყველანი პრინციპში, ერთი და იმავე ბრძოლაში ვართ, არ ვფიქრობ, რომ დავით მაღრაძე არის „ქართული ოცნების“ წინააღმდეგი, ის არის „ნაციონალური მოძრაობისა“ და იმ უბედურებების წინააღმდეგი, რომელსაც ჩვენ ყველანი ერთად ვებრძოდით“, – განაცხადა თეა წულუკიანმა.

მინისტრის თქმით, მაღრაძის მოძრაობას ის „ქართული ოცნების“ კონკურენტად არ მიიჩნევს.