პირადი ცხოვრების ამსახველი კადრების გავრცელება - აღნიშნულის შესახებ კომენტარი საქართველოს იუსტიციის მინისტრმა თეა წულუკიანმა გააკეთა. წულუკიანის თქმით, აღნიშნული საქციელი საზოგადოებამაც უნდა გაკიცხოს, რადგან პირადი ცხოვრება დაცული ღირებულებაა.

"პირი, ვისზეც ეჭვი არსებობს, რომ ღამით მან გაავრცელა ეს კადრები, დაკავებულია. ეს არის დანაშაული და საზოგადოებამაც გაკიცხოს ეს საქციელი იმიტომ, რომ პირადი ცხოვრება არის დაცული ღირებულება, ამას იცავს კონსტიტუცია, ამას იცავს ჩვენი კანონი. ისღა დაგვრჩენია, რომ თითოეულმა ჩვენგანმა სხვა ადამიანის პირადი ცხოვრება დავიცვათ. როდესაც არ ხდება ამის დაცვა ინდივიდების მიერ იქ უკვე ერევა საგამოძიებო ორგანო ხდება დაკავება, ხდება სისხლის სამართლებრივი დევნა და ეს არ უნდა იწვევდეს რაიმე სახის უკმაყოფილებას,"-განაცხადა თეა წულუკიანმა.