"გინება, წივილი-კივილი, ერთი ბიჭია დაჭრილი"- დიღომში მომხდარი სისხლიანი გარჩევის ახალი დეტალები

კრიმინალი - 12:17, 27 Mar, 2019

3561

დიდ დიღომში, პეტრიწის ქუჩაზე ახალგაზრდა მამაკაციის დაჭრის ფაქტზე ახალი დეტალები ირკვევა.

დაჭრილია 18 წლის მამაკაცი, რომელსაც მრავლობითი დაზიანებები აღენიშნებოდა.

ადგილობრივების თქმით, სისხლიან დაპირისპირებას წინ ახალგაზრდებს შორის კონფლიქტი უძღოდა, რომელშიც ოცამდე ახალგაზრდა მონაწილეობდა.

„ხმაური იყო, ბევრი ბიჭები იყვნენ. გინება, წივილი-კივილი, მერე პატრული მოვიდა და გაიფანტნენ. ერთია დაჭრილიო თქვეს, მერე სასწრაფომაც წაიყვანა, დავინახე, “-ამბობს ერთ-ერთი თვითმხილველი.

დაჭრილი მამაკაცი ქირურგიის ცენტრში გადაიყვანეს. ექსპერიმენტული და კლინიკური ქირურგიის ეროვნული ცენტრის კლინიკური დირექტორი ამბობს,რომ პაციენტის მდგომარეობა გაუმჯობესებულია.

„ღამის საათებშია შემოყვანილი ახალგაზრდა მამაკაცი 18 წლის,რომელსაც ჰქონდა სხეულის უკანა ზედაპირზე ნაკვეთი ჭრილობა. ჭრილობა იყო სისხლმდენი საჭირო გახდა ოპერაციული ჩარევა,“ - განაცხადა ნიკოლოზ ჩადუნელმა.

როგორც "ნიუპოსტს" შინაგან საქმე სამინისტროში განუცხადეს, დაჭრის ფაქტი დასტურდება. გამოძიება კი, 19-108-ე მუხლით მიმდინარეობს, რაც განზრახ მკვლელობის მცდელობას გულისხმობს. დანაშაული 7-დან 15 წლამდე ვადით თავისუფლების აღკვეთას იყვალისწინებს. სამართალდამცველები საგამოძიებო მოქმედებებს ატარებენ.