"ბოლო ჟამის წინასწარნაუწყები ნიშნების დადასტურება" -მთაწმინდის დეპუტატობისთვის მიხეილ-გელა სალუაშვილიც იბრძოლებს

პოლიტიკა - 12:11, 27 Mar, 2019

870

მთაწმინდის ოლქში პარლამენტის შუალედურ არჩევნებში პირველი რეგისტრირებული კანდიდატი პოლიტიკური გაერთიანების „სამართლიანობის აღდგენის კავშირი ხმა ერისა: უფალია ჩვენი სიმართლე“ ლიდერი მიხეილ-გელა სალუაშვილია. ამის შესახებ ინფორმაციას თავად პოლიტიკური გაერთიანება ავრცელებს:

„2011-2012 წ.წ. მოყოლებული, საარჩევნო პროცესებში აქტიური ჩართვის გადაწყვეტილების მიღების შემდეგ, ჩვენი საქმიანობის მთავარი მიზანი გახდა:

როგორც ისტორიული სამართლიანობისა და კანონის უზენაესობის აღდგენა-დამკვიდრება; ასევე საქართველოს სულიერი მისიის ასრულების, ანუ მეორედ დიდებით მომავალი უფალი იესუ ქრისტეს საყოველთაო გაცხადების წინარე დროის: ბოლო ჟამის დადგომის თაობაზე, ბიბლიაში არსებული წინასწარნაუწყები ნიშნების აცხადების დადასტურება.

ამავე მიზნის განხორციელებისათვის გადავწყვიტეთ, საარჩევნო პროცედურით გათვალისწინებული პირობების გამოყენების ფარგლებში, მონაწილეობა მივიღოთ 2019 წ. 19 მაისს, ქ. თბილისში, მთაწმინდის N1 საარჩევნო ოლქში დანიშნულ საქართველოს პარლამენტის შუალედურ არჩევნებში.“- ნათქვამია პოლიტიკური გაერთიანების ვებგვერდზე.