რატომ წავიდა გვენეტაძე თანამდებობიდან- "ის სისხლის სამართლის საქმე უნდა მოიკითხოთ, რომელიც მოსამართლეთა ტესტების გაჟონვას ეხება“- ჯანეზაშვილი

პოლიტიკა - 18:21, 26 Mar, 2019

631

რატომ წავიდა ნინო გვენეტაძე თანამდებობიდან - იუსტიციის საბჭოს არამოსამართლე წევრის ნაზი ჯანეზაშვილის განცხადებით, იმისთვის რომ გაირკვეს თუ რატომ წავიდა გვენეტაძე უნდა მოიკითხონ მოსამართლეთა ესტების გაჟონვის საქმე:

“თუკი ვინმეს ნინო გვენეტაძის დაცვა სურდა, დაეცვა სანამ თანამდებობაზე იყო და იმ ვითარებას გამოხმაურებოდა, რაც იუსტიციის უმაღლეს საბჭოში იყო. გაგახსენებთ 2017 წლის ნოემბერში გაკეთებულ განცხადებას, როდესაც ბულინგი ვუწოდე იუსტიციის საბჭოში შექმნილ ვითარებას საბჭოს წევრების მხრიდან ნინო გვენეტაძის მისამართით. მაშინ იმ სხდომაზე ნინო გვენატეძემ თქვა, რომ ის ძალადობის მსხვერპლი იყო. არ მახსენდება, რომ მაშინ ამას ბევრი ადამიანი გამოეხმაურა. კარგია, რომ ვიღაცეები ახლა მაინც ეხმაურებიან. რაც შეეხება იმას, თუ რატომ წავიდა ნინო გვენეტაძე დაკავებული თანამდებობიდან, მე თავიდანვე ვამბობდი, რომ ჩემთვის დამაჯერებელი არ იყო ის საფუძველი, რომელიც მან წასვლის მიზეზად დაასახელა - რომ წავიდა ჯანმრთელობის მდგომარეობის გაუარესების გამო. თუ ვინმეს აინტერსებს, თუ რატომ წავიდა ნინო გვენეტაძე, მან ის სისხლის სამართლის საქმე უნდა მოიკითხოს, რომელიც ტესტების გამოძიებას ეხება და არა სავარაუდო ფიზიკურ ძალადობას, რისი რისკის ქვეშაც ის იდგა“, - განუცხადა ჟურნალისტებს ნაზი ჯანეზაშვილმა.